Sansar News
५ फागुन, काठमाडौं । बैतडीकी भागरथी भट्टको हत्यामा संलग्न भएको आरोप लागेका व्यक्तिलाई प्रहरीले सार्वजनिक गरेको छ ।
बैतडीको दोगडाकेदार गाउँपालिका ७ की १७ वर्षीया भट्टको माघ २१ गते घाँटी थिचेर हत्या गरेको अभियोगमा सोहि गाउँका १८ वर्षीय दिनेश भट्टलाई पक्राउ गरेर सार्वजनिक गरेको हो ।
सोहि स्कुलमा ११ कक्षामा अध्ययनरत अभियुक्तले सो दिन अन्तिम कक्षा नपढी पौने २ बजे अन्य साथीहरुसँगै खोचलेक गएका थिए ।
उनले साथीहरुलाई खोचलेक बजारमै छोडी एक्लै चडेपानी आफ्नो घरतर्फ हिँडेका थिए । जुनबाटोबाट भागरथी पनि घरतर्फ जाँदै थिइन् ।
घरफर्कने क्रममा उनको भागरथीसँग सिल्ला गाउँमा भेट भएको र भागरथी भन्दा अगाडि गएर घटनास्थलभन्दा माथिरहेको बाटोमा कुरेर बसेका थिए । भागरथी पनि त्यहाँ पुग्नासाथ बाटोमा ढुकेर बसेका उनले भागरथीलाई सडकबाट तल धकेलिदिएका थिए । उनले घटनास्थलमा दुवैहातले भागरथीको घाँटी अठ्याइ मारेर पाइन्ट घुँडासम्म पुर्याएको तर बलात्कार नगरेका अभियुक्तले बताएको सुदूरपश्चिम प्रहरी प्रमुख उत्तमराज सुवेदीले पत्रकार सम्मेलनमा जानकारी दिएका छन् ।
भागरथीको हत्या गरेपछि उनको मोबाइलको ब्याट्री निकालेर फ्याकेपछि अभियुक्त घर गएका थिए ।
मृतकका दाजुले भट्टविरुद्ध दिएको किटानी जाहेरीका आधारमा प्रहरीले अनुसन्धान गरिरहेको र अभियुक्तलाई कर्तव्य ज्यान र बलात्कार मुद्दाको अनुसन्धान अगाडि बढाएको बताइएको छ । अहिले प्रारम्भिक अनुसन्धान रहेको र अनुसन्धानका क्रममा निजका गतिबिधि, टेक्निकल अनुसन्धान पीडित परिवारका कुराहरुले भागरथीको हत्यामा भट्ट संलग्न रहेको प्रारम्भिब पुष्टि भएको पनि प्रमुसख सुवेदीले बताए ।
वि.सं.२०७७ फागुन ५ बुधवार १५:४० मा प्रकाशित
