हामी सबैकाे संसारन्यूज

फागुन ५, काठमाडौं । भारतको त्रिपुराका मुख्यमन्त्री विप्लवकुमार देवले दिएको अभिव्यक्तिप्रति पुष्पकमल दाहाल ‘प्रचण्ड’ र माधवकुमार नेपाल नेतृत्वको नेकपाले आपत्ति जनाएको छ । बुधबार एक प्रेस विज्ञप्ती सार्वजनिक गर्दे नेकपाले आपत्ती जनाएको हो ।

नेकपाले विप्लवदेवको भनाई गम्भीर रहेको भन्दै तत्काल स्पष्ट बनाउन पनि भारत सरकारसँग माग गरेको छ ।

‘भारतको त्रिपुरा राज्यका मुख्यमन्त्री श्री विप्लव देवले हालै एक सार्वजनिक कार्यक्रममा नेपालका सम्बन्धमा प्रकट गर्नु भएको अभिव्यक्तिप्रति हाम्रो पार्टी नेपाल कम्युनिष्ट पार्टी (नेकपा)को गम्भीर ध्यानाकर्षण भएको छ, यस प्रकारको संवेदनशील विषयमा गरिएको अभिव्यक्तिले हाम्रा दुई छिमेकी मित्रराष्ट्रहरु बीचको सम्बन्धमा भ्रम छर्ने र नकारात्मक असर पुर्याउने भएकाले भारत सरकार र श्री अमित शाहबाट समेत स्थिति स्पष्ट पारिने अपेक्षा गर्दछ’, नेकपाको प्रेस विज्ञप्तीमा भनिएको छ ।

केहि दिन अघि भारतीय जनता पार्टीका नेतासमेत रहेका मुख्यमन्त्री विप्लवकुमार देवले भारतीय जनता पार्टी नेपाल र श्रीलंकामा आफ्नो पार्टीको विस्तार गर्दै शासन चलाउने योजनामा रहेको अभिव्यक्ति दिएका छन् । उनका अनुसार उक्त योजनामा भारतीय जनता पार्टीले गतिविधि अगाडि बढाईरहेको छ ।

विप्लवले एक सार्वजनिक कार्यक्रममा भनेका थिए, ‘अमित शाह जब बीजेपीको अध्यक्ष थिए, त्यसबेला उनले हामीलाई भाजपाले आफ्नो पार्टीको दायरा बढाउन चाहेको र नेपाल र श्रीलंकामा शासन चलाउने योजना बनाईरहेको बताएका थिए, राज्य अतिथि गृहभित्र भएको पार्टी आन्तरिक कार्यक्रममा शाहले उक्त योजनाको खुलासा गरेका थिए ।’

विप्लवका अनुसार अखण्ड भारत वर्ष बनाउने लक्ष्यअनुसार भाजपा अगाडि बढिरहेको छ ।

सम्बन्धित समाचार

गम्भीर खुलासा : भाजपा नेपाल र श्रीलंकामा सरकार बनाउने योजनामा छ