हामी सबैकाे संसारन्यूज

फागुन ३, काठमाडौं । नेपाली राजनीतिमा भारतीय पक्षको भूमिका हस्तक्षेपकारी छ । भारतले नेपाली राजनीतिमा आफ्नो ‘इन्टेस्ट’ लागु गराउन बेला–बेला खुला रुपमै सिधा प्रहार गर्ने गरेकाे देखिन्छ । संविधान निर्माण र घोषणा हुँदै गर्दा भारतले सिधा–सिधा हस्तक्षेप गर्न खोजेको थियो । तर, हस्तक्षेप अस्वीकार्य भएसँगै भारतले नेपालमा ६ महिनासम्म नाकाबन्दी नै लगाएको थियो ।

नेपाली राजनीतिमा अहिले फेरि नयाँ संकट देखापरेको छ । प्रधानमन्त्री केपी शर्मा ओलीले संविधानमाथि नै प्रश्न उठाउँदै संसद विघटन गरेसँगै संकट देखापरेको हो । जुन कदमकै कारण नेपाल कम्युनिष्ट पार्टी (नेकपा) विभाजित बनेको छ भने अन्य दलभित्र पनि विभाजन र तीव्र धुव्रीकरणको सुरुवात भएको छ ।

नेपालको पछिल्लो राजनीतिक संकटबीच भारतको पूर्वी क्षेत्र त्रिपुराका मुख्यमन्त्री विप्लवकुमार देवको गम्भीर अभिव्यक्ति सार्वजनिक भएको छ । नेपाली राजनीतिमा संकट मडारिएको बेला उनको अभिव्यक्ति अत्यन्तै गम्भिर देखिन्छ ।

नेपाल र श्रीलंकामा सरकार परिवर्तन गर्ने भारतको योजना

भारतीय जनता पार्टीका नेतासमेत रहेका मुख्यमन्त्री विप्लवकुमार देवले भारतीय जनता पार्टी नेपाल र श्रीलंकामा आफ्नो पार्टीको विस्तार गर्दै शासन चलाउने योजनामा रहेको अभिव्यक्ति दिएका छन् । उनका अनुसार उक्त योजनामा भारतीय जनता पार्टीले गतिविधि अगाडि बढाईरहेको छ ।

विप्लवले एक सार्वजनिक कार्यक्रममा भनेका छन्, ‘अमित शाह जब बीजेपीको अध्यक्ष थिए, त्यसबेला उनले हामीलाई भाजपाले आफ्नो पार्टीको दायरा बढाउन चाहेको र नेपाल र श्रीलंकामा शासन चलाउने योजना बनाईरहेको बताएका थिए, राज्य अतिथि गृहभित्र भएको पार्टी आन्तरिक कार्यक्रममा शाहले उक्त योजनाको खुलासा गरेका थिए ।’

विप्लवका अनुसार अखण्ड भारत वर्ष बनाउने लक्ष्यअनुसार भाजपा अगाडि बढिरहेको छ ।

When HM was party chief, he had visited the state. We were sitting & talking. We said that we’ve so many states(BJP govt in several states). He said Sri Lanka & Nepal still remain. He said that we’ve to take party to Sri Lanka & Nepal too. We’ve to win there too: Tripura CM(13.2) pic.twitter.com/fWHiJpjlSH

— ANI (@ANI) February 15, 2021

भारतीय कंग्रेसद्धारा छानबिनको माग

भारतीय विपक्षी पार्टी कंग्रेसले मुख्यमन्त्री विप्लवको भनाई अलोकतान्त्रिक भएको भन्दै आपत्ति जनाएको छ । नेपाल र श्रीलंकाबारे सार्वजनिक उनको भनाई छानबिन गर्न पनि कंग्रेसले माग गरेको छ ।

सोमबार कांग्रेसले छिमेकीको सम्प्रभूतामाथि धावा बोलिएको तर्क राख्दै तत्काल छानबिनको माग गरेको हो ।

सम्बन्धित समाचार

चीनको नेपाल चिन्ताप्रति भारतको असन्तुष्टि, फेरि के बोले नरवाणेले ?