Sansar News
३ फागुन, काठमाडौं । भारतीय प्रधान सेनापति मुकुन्द नरवाणेले फेरि अर्को असन्तुष्टि व्यक्त गरेका छन् ।
चीनको विदेश मन्त्रालयद्धारा आयोजित प्रेस भेटघाटमा चिनियाँ विदेशमन्त्री नेपालमा हुन लागेको राजनैतिक अस्थिरताले चीनलाई चिन्तित बनाएको धारणा सार्वजनिक गरेको एक सातामै भारतीय सेनापति नरवाणेले असन्तुष्टि सार्वजनिक गरेका छन् ।
आसाम राइफल्स युनाइटेड सर्भिसको वार्षिक सेमिनारमा मुख्य वक्ता रहेका उनले चिनियाँ लगानी र बढ्दो प्रभावले नेपालमा राजनैतिक अस्थिरता बढेको आरोप मात्र लगाएनन् नेपाली प्रधानमन्त्री केपी शर्मा ओलीले गरेको संसद विघटनबाट चीन चिडिएको समेत बताए । बेइजिङले उच्चतहको भ्रमण गराएका प्रति असन्तुष्टि व्यक्त गर्दै सेनापति नरवाणेले विआरआइलाई क्षेत्रिय परनिर्भरता बढाउने परियोजनाका रुपमा समेत व्यख्या गरेका थिए ।
पूर्व तथा निर्वतमान प्रधानसेनापतिको तुलनामा बढी राजनैतिक चासो व्यक्त गर्ने भारतीय प्रधानसेनापति नरवाणेले मुख्यत चीनसँगको नेपालको घनिष्टता मन नपराएको अभिव्यक्ति सार्वजनिक गरिरहेका छन् । file photo
वि.सं.२०७७ फागुन ३ सोमवार ११:०१ मा प्रकाशित
