हामी सबैकाे संसारन्यूज

फागुन ६, काठमाडौं । प्रचण्ड–नेपाल पक्षीय अनेरास्ववियूले नेपाल आयल निगमलाई पेट्रोलियम पदार्थको मुल्यबृद्धि फिर्ता गर्न ४८ घण्टे अल्टिमेटम दिएको छ । बिहिबार मुल्यबृद्धिको विरोध स्वरुप आयल निगम घेराउ गर्दै अनेरास्ववियुले अल्टिमेटम दिएको हो ।

दिइएको समयसीमाभित्र मूल्य समायोजन नगरिए जनताको स्तरबाट कारबाही गर्ने अनेरास्ववियूले चेतावनी पनि दिएको छ । घेराउ कार्यक्रमलाई सम्बोधन गर्दै अनेरास्ववियूका नेता रञ्जित तामाङले मुल्यबृद्धि फिर्ता नलिए जहाँ भेट्यो त्यहिँ कारबाही गर्ने चेतावनी दिए ।

पछिल्लो साता मात्रै आयल निगमले २ पटकसम्म पेट्रोलियम पदार्थको मुल्यबृद्धि गरेको छ । माघ २८ र फागुन ४ गते निगमले मुल्यबृद्धि गरेको थियो ।

माघ २८ मा खाना पकाउने ग्याँससहित पेट्रोल र डिजेलमा मुल्य बढाइएको थियो भने फागुन ४ मा पुनः डिजेल, पेट्रोल, मट्टीतेल र आन्तरिक हवाई इन्धनको मुल्य बढाइएको छ ।