हामी सबैकाे संसारन्यूज

फागुन ६, लमजुङ । पछिल्लो समय प्रधानमन्त्री केपी शर्मा ओली पक्षमा रहेका धेरै नेता तथा कार्यकर्ता पुनः प्रचण्ड–नेपाल पक्षमा फर्किन थालेका छन् । जसको नमुना लमजुङ जिल्ला बनेको छ ।

बिहिबार एमालेका पुराना नेता एवं नेकपाका जिल्ला समिति सदस्य ऋषिकेश घिमिरेको नेतृत्वमा २३ जना नेता तथा कार्यकर्ताले ओली समूह परित्याग गरेका छन् । लमजुङमा एक पत्रकार सम्मेलन गर्दै उनीहरुले सामूहिक रुपमा ओली समूह परित्याग गरेका हुन् ।

पत्रकार सम्मेलनमा बोल्दै नेता ऋषिकेश घिमिरेले कम्युनिष्ट आन्दोलनलाई सहि दिशा दिन प्रचण्ड–नेपाल समूहमा फर्किएको बताए । उनका अनुसार ओली समूहमा लागेका सबै नेता तथा कार्यकर्ता फर्किने स्थिति बनेको छ ।

पत्रकार सम्मेलनलाई सम्बोधन गर्दै घिमिरेले ओली समूह प्रतिगामी बाटोमा लागेको बताए ।