हामी सबैकाे संसारन्यूज

फागुन ७, काठमाडौं । प्रतिनिधि सभा विघटनविरुद्व सर्वोच्च अदालतमा परेका मुद्दामाथिको बहस सकिएको छ । शुक्रबार एमिकस क्युरी गीता पाठकले राय दिएसँगै बहस सकिएको हो ।

प्रधानन्यायाधीश चोलेन्द्रशमशेर जबराले फागुन १० गतेभित्र बहस नोट दिन पक्ष, विपक्ष र एमिकस क्युरीका रुपमा चयन भएका कानून व्यवसायीलाई आग्रह गरेका छन् । उनले मुद्दाको अर्को पेशी आउँदो फागुन ११ गतेका लागि तोकेका छन् ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ मा प्रतिनिधि विघटन गरेकी थिइन् । संसद विघटन गरेसँगै सर्वोच्चमा विघटनको कदम गलत भन्दै १३ थान रिट निवेदन दर्ता भएका थिए ।

विघटनको विरुद्धमा दर्ता निवेदनमाथि गत माघ ४ देखि निरन्तर सुनुवाई चलिरहेको थियो । जसमा रिट निवेदक पक्ष, सरकारी पक्ष, प्रधानमन्त्रीका निजी कानून व्यवसायी र एमिकस क्युरीका कानून व्यवसायीले बसह गरेका थिए ।