हामी सबैकाे संसारन्यूज

७ फागुन, भारत । भारतको इतिहासमै पहिलोपटक महिलालाई फाँसी दिने तयारी गरिएको छ ।

२००८ मा आफ्ना परिवारको हत्या अभियोगमा जेल सजाय भोगिरहेकी शबनम नामकी महिलालाई फाँसी दिने तयारी भइरहेको बताइएको छ ।
हिन्दुस्तान टाइम्समा आगरा जिल्लाको मथुरा जेलका वरिष्ठ अधिकारी अखिलेस कुमारलाई स्रोत मान्दै प्रकाशित समाचार अनुसार शबनमलाई छिट्टै फाँसी दिने तयारी गरिएको छ ।

अमरोहाकी शबनमले आफ्ना प्रेमीसलीमसँग मिलेर २००८ को १४-१४ अप्रिलको मध्यरातमा १० महिनाको बालकसहित परिवारका ७ सदस्यलाई लठ्याउने पर्दाथ खुवाएर घाँटी रेटेर हत्या गरेकी थिइन् ।

स्कुलमा शिक्षिका रहेकी शबनम उक्त समय २४ वर्षकी थिइन् । सलिमसँग प्रेममा रहेकी उनले परिवार प्रेमका विरुद्धमा देखिएपछि त्यस्तो कदम उठाएको बीबीसीमा समाचार छ । २०१० मा ट्रायल कोर्टले उनीहरु दुवैजनालाई मृत्युदण्डको सजाय सुनाएको थियो त्यसलाई २०१५ मा सुप्रिम कोर्टले पनि सदर गरेको थियो ।

राष्ट्रपति भवनबाट उनीहरुको सजाय माफीका लागि याचना गरिएपनि सुप्रिमकोर्टले त्यसलाई खारेज गरिदिएको थियो ।

डीआइजी अखिलेस कुमारका अनुसार मथुरामा दोषी रहेका महिलालाई फाँसीदिने व्यवस्था रहेको छ, त्यो पनि गम्भीर घटनामा । किनकि स्वतन्त्र भारतमा हालसम्म कुनैपनि महिलालाई फाँसी दिइएको छैन ।