Sansar News
९ फागुन, काठमाडौं । सरकारले भारतसँग किनेको कोभिड–१९ विरुद्धको खोप कोभिशिल्ड आज आइतवार काठमाडौं आइपुगेको छ ।
भारतको सिरम इन्ष्टिच्युटबाट किनेको कोभिड–१९ विरुद्धको १० लाख डोज खोप आज दिउसो एयर इन्डियाको विमानबाट नेपाल आइपुगेको हो । खोप त्रिभुवन विमानस्थलबाट टेकुस्थित कोल्डरुपमा भण्डार गरीने छ ।
सो खोप यही फागुन २३ गतेदेखि देशैभरका खोप केन्द्रहरुमा वितरण गरिने स्वास्थ्य मन्त्रालयका सह–प्रवक्ता डा. समिरकुमार अधिकारीकाले जानकारी दिएका छन् ।
किनीएको २० लाख डोज खोपमध्ये बाँकी १० लाख डोज पनि छिट्टै प्राप्त हुने स्वास्थ्य मन्त्रालयले जनाएको छ ।
यसअघि भारतले नेपाललाई अनुदानमा उपलब्ध गराएको १० लाख डोज कोभिशिल्ड खोप गत माघ १४ गतेदेखि नेपालमा कोरोनाविरुद्धको खोप अभियान सुरु गरि लगाइएको थियो ।
वि.सं.२०७७ फागुन ९ आइतवार १५:५३ मा प्रकाशित
