हामी सबैकाे संसारन्यूज

२१ फागुन, काठमाडौँ । अष्ट्रेलियाले न्यूजिल्याण्ड विरुद्धको टि-२० मा लगातार दुई जित हासिल गरेको छ । अष्ट्रेलियाले न्यूजिल्याण्ड विरुद्धको चौथो टि-२० मा ५० रन जित निकालेको हाे ।

टस जितेर पहिले ब्याटिङ्ग गरेको अष्ट्रेलियाले २० ओभरमा ६ विकेट गुमाएर १५६ रन बनाएको थियो । अष्ट्रेलियाका लागि ब्याटिङ्गमा कप्तान एरण फिंचले सर्वाधिक ७९ रन बनाएका थिए भने न्यूजिल्याण्डका लागि बलिङ्गमा ईश सोधीले सर्वाधिक ३ विकेट लिएका थिए ।

१५७ रनको सामान्य लक्ष्य पछाएको न्यूजिल्याण्डले पुरै २० ओभरमा पनि ब्याटिङ्ग गर्न सकेन । न्यूजिल्याण्को टिम १८.५ ओभरमा १०६ रन बनाएर अलआउट हुन पुगेको थियो । न्यूजिल्याण्डका लागि काइल जेमीशनले सर्वाधिक ३० रन बनाएका थिए भने अष्ट्रेलियाका लागि बलिङ्गमा केन रिचार्डसनले उत्कृष्ट बलिङ्ग गर्दै ३ विकेट लिएका थिए ।

जितसँगै अष्ट्रेलियाले ५ खेलको टि-२० श्रृखलामा २-२ ले बराबरी गरेको छ ।