हामी सबैकाे संसारन्यूज

२९ फागुन, काठमाडौं । नेपाल क्रेडिट एण्ड कमर्स बैंक (एनसीसी बैंक)ले अटो रिक्सा प्रयोग गर्ने यात्रुलाई अनलाइनबाटै भुक्तानी गर्ने सुविधाको शुरुवात गरेको छ ।

शुक्रबार राष्ट्र बैङ्कका गभर्नर महाप्रसाद अधिकारीले बैंकको क्यूआर कोड हस्तान्तरण गरे संगै यात्रुहरुले अनलाइन भुक्तानी गर्न सक्ने भएका छन् ।यो सुबिधा नोबेल मेडिकल कलेज रुटमा चल्ने अटोमा प्राप्त गर्न सकिने बैंकले बताएको छ । बैंकका अनुसार केएन अटो यातायात प्रालिमा आबद्ध अटोमा क्युआर कोडमार्फत भुक्तानी गर्न सकिने छ ।

उक्त अवसरमा गभर्नर अधिकारीले नगदरहित कारोबार सुरु भएकोले नोट कम चलाएर डिजिटल कारोबार गरि राष्ट्रकै लागि योगदान पु¥याउन सकिने बताउनुहुँदै सबैलाई यसमा सहयोगका लागि आग्रह समेत गरे ।