हामी सबैकाे संसारन्यूज

९ चैत, काठमाडौं । प्रधानमन्त्री केपी शर्मा ओली र नेपाल कम्युनिष्ट पार्टी विप्लव समुहका महासचिव नेत्र विक्रम चन्द ‘विप्लव’ बीच भेटवार्ता भएको छ ।

सोमबार प्रधानमन्त्रीलाई भेट्न बालुवाटार पुगेका महासचिव विप्लवले सरकारसँग भएको सहमति अनुसार आफ्ना कार्यकर्ताको रिहाइ बारे ढिला भएको भन्दै प्रधानमन्त्री समक्ष ध्यानाकर्षण गराएका थिए ।

विप्लव समूहका नेता उदय बहादुर चलाउनेका अनुसार महासचिव विप्लवले कार्यकर्ता रिहाइ बारे ढिला भइरहेको भन्दै ध्यानाकर्षण गराउँदा प्रधानमन्त्रीले आफूहरु रिहाइका लागि लागिरहेको जवाफ दिएका थिए ।

सरकार र विप्लव समूहबीच फागुन २० गते कम्युनिष्ट पार्टी माथि लगाइएको प्रतिबन्ध हटाउने, कारागारमा रहेका समूहका सबै कार्यकर्ताको रिहाइ गर्ने तथा उनीहरुमाथि लागेका सम्पूर्ण मुद्दा खारेज गर्ने र विप्लव समूहले आफ्ना सम्पूर्ण राजनीतिक विषयहरुको समाधान वार्तामार्फत् गर्ने तीनबुँदे सहमति भएको थियो ।