back

छ महिनामा सत्र प्रतिशत विकास बजेट खर्च

वि.सं.२०७३ माघ १८ मंगलवार

390 

shares
RBB AD
NTC AD

चितवन। चालु आर्थिक वर्षको छ महिनामा जिल्लामा विकास निर्माणका लागि निकासा भएको बजेटको १७ दशमलव ४६ प्रतिशत मात्र खर्च भएको छ ।

पुस मसान्तसम्ममा पँुजीगततर्फ रु ६८ करोड ४५ लाख ६२ हजार ५६७ मात्र खर्च भएको छ । पुस मसान्तसम्ममा पुँजीगततर्फ रु तीन अर्ब ९१ करोड, ९५ लाख १७ हजार निकासा भएको थियो ।

कोष तथा लेखा नियन्त्रक कार्यालयका लेखापाल गङ्गा विश्वकर्माका अनुसार यस आवमा सबैभन्दा ठूलो विकास बजेट रहेको मुग्लिन–नारायणगढ सडक योजनाको ११ दशमलव ३६ प्रतिशतमात्र खर्च भएको छ । सो आयोजनाको रु एक अर्ब ५५ करोड ६६ लाख सात हजार बजेट निकासा भएकामा रु १७ करोड ६९ लाख ३६ हजार ३४३ मात्र खर्च भएको छ ।

यस्तै दोस्रो ठूलो बजेट रहेको डिभिजन सडक कार्यालयको ४५ दशमलव ७८ प्रतिशत खर्च भएको छ । सो कार्यालयको रु ६३ हरोड ८८ लाखमध्ये हालसम्म रु २९ करोड २४ लाख ५८ हजार खर्च भएको छ । जनताको तटबन्धको रु २४ करोड बजेटमध्ये रु ४९ लाख ७० हजार मात्र खर्च भएको छ । जुन दुई प्रतिशतमात्र हुन आउँछ ।

गत आवको छ महिनामा ८ दशमलव ४७ प्रतिशत मात्र खर्च भएको थियो । गत वर्ष पुस मसान्तसम्मका लागि रु चार अर्ब ५९ करोड ३६ लाख ६१ हजार बजेट निकासा भएकामा रु ३८ करोड ९१ लाख ७७ हजार मात्र खर्च भएको थियो । गत वर्ष सबैभन्दा ठूलो विकास बजेट रहेको मुग्लिन–नारायणगढ सडक आयोजनाले ११ दशमलव ७३ प्रतिशतमात्र खर्च गरेको थियो । गत वर्ष सो आयोजनाको रु एक अर्ब ७६ करोड ८८ लाख ५२ हजार बजेट रहेको थियो ।

जिल्लाका अधिकांश कार्यालयले आवको अन्त्यतिर मात्र निकासा भएको बजेट खर्च गर्ने गर्छन् । ढिला गरी काम गर्दा अनुगमन कम हुने र कामको प्रभावकारिता समेत कम हुने गर्छ । प्रमुख जिल्ला अधिकारी नारायणप्रसाद भट्टले विकास बजेट समयमा नै सही सदुपयोग हुने गरी खर्च गर्न सम्बन्धित कार्यालयका प्रमुखलाई निर्देशन दिइएको बताउनुभयो । ती क्षेत्रको अनुगमनका लागि छुट्टै संयन्त्र बनाएर काम थालिने उहाँको भनाइ छ ।

वि.सं.२०७३ माघ १८ मंगलवार ११:२० मा प्रकाशित

NLIC AD
NABIL bank AD
गाउँपालिकाद्वारा उद्यमीलाई बीउ पुँजी प्रदान

गाउँपालिकाद्वारा उद्यमीलाई बीउ पुँजी प्रदान

पर्वत । पर्वतको जलजला गाउँपालिकाले पालिकाभित्र लघु तथा घरेलु उद्यम...

दूध र तरकारीमा आत्मनिर्भर बन्यो गाउँपालिका

दूध र तरकारीमा आत्मनिर्भर बन्यो गाउँपालिका

पर्वत । बिहादी गाउँपालिकाले पछिल्लो समयमा कृषि क्षेत्रमा प्रतिफल दिने...

ढोरपाटनमा पर्यटक आगमन बढ्न थालेसँगै राजस्व सङ्कलनसमा वृद्धि

ढोरपाटनमा पर्यटक आगमन बढ्न थालेसँगै राजस्व सङ्कलनसमा वृद्धि

ढोरपाटन (बागलुङ) । नेपालको एक मात्र सिकार आरक्ष ढोरपाटनमा पर्यटक...

आजको बजारमा विदेशी मुद्राको भाउ, कुन घट्यो कुन बढ्यो ?

आजको बजारमा विदेशी मुद्राको भाउ, कुन घट्यो कुन बढ्यो ?

काठमाडौं । नेपाल राष्ट्र बैंकले आजको बजारमा विदेशी मुद्राको भाउ...

निलगिरि र अन्नपूर्ण हिमाल ऋषि काग-भुषुण्डीको निवासस्थल

निलगिरि र अन्नपूर्ण हिमाल ऋषि काग-भुषुण्डीको निवासस्थल

गलेश्वर (म्याग्दी) । हिमालपारिको जिल्ला मुस्ताङमा अवस्थित निलगिरि र म्याग्दीमा...

कामना सेवा विकास बैंकका ग्राहकलाई सीटि डाइगोनोसिसमा विशेष छूट पाउने

कामना सेवा विकास बैंकका ग्राहकलाई सीटि डाइगोनोसिसमा विशेष छूट पाउने

  काठमाडौं । कामना सेवा विकास बैंकले रुपन्देहीको बुटवलस्थित रुपन्देही...