Sansar News
चैत १२, काठमाडौं । नेकपा (एमाले)का वरिष्ठ नेता माधवकुमार नेपालले प्रधानमन्त्री केपी शर्मा ओलीमाथि प्रश्नै प्रश्न गर्दै १० बुँदे स्पष्टीकरणको जवाफ दिएका छन् । ओलीले सोधेको स्पष्टीकरणको जवाफ दिँदै नेता नेपालले आफुँले नभई ओलीले विधान उल्लंघन गरेको भन्दै ओलीमाथि नै कारबाही हुनुपर्ने जिकिर गरेका छन् ।
नेता नेपालले पत्रमा ओलीका गतिविधि पार्टी विधि र विधान विपरीत भएको भन्दै कारबाही गरिनुपर्ने बताएका छन् । साथै उनले ओलीले स्पष्टीकरण सोध्नु नै अवैध भएको जिकीर गरेका छन् ।
‘पार्टी विधान र पद्धतिलाई ध्वस्त गर्नेतर्फ तपाईं उद्दत हुनुभएपछि नेकपा (एमाले) को नवौं राष्ट्रिय महाधिवेशनको निर्णय र निर्देशन तथा पार्टी विधान र पद्धतिको रक्षाका लागि देशभरिका कार्यकर्ताहरूले गरेको छलफल र चिन्ता पार्टीको रक्षा एवं हितका लागि अत्यावश्यक भएको तथ्य स्पष्टै छ, तपाईंले बालुवाटारमा गुटको अवैधानिक भेलालाई पार्टी केन्द्रीय कमिटीको विशेष बैठकको संज्ञा दिने पार्टी विधान विपरीतको कार्य गर्नुका साथै पार्टी विधान र नियमावली तथा सम्बन्धित जनसंगठनका विधानहरु विपरीत देशभरी पार्टी कमिटी तथा पार्टीसँग सम्बद्ध जनसंगठनहरुको स्वेच्छाचारी किसिमले गठन र पुनर्गठन गर्दै पार्टीको एकता र प्रणालीमाथि नै प्रहार गरी पार्टीलाई फुटको डिलतर्फ धकेल्ने चेष्टा गरिरहनु भएको छैन र?’, नेपालले स्पष्टीकरण पत्रमा भनेका छन् ।
यस्तो छ स्पष्टीकरण पत्र
वि.सं.२०७७ चैत १२ बिहीवार १९:४२ मा प्रकाशित
