हामी सबैकाे संसारन्यूज

१३ चैत, काठमाडौं । पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा.बाबुराम भट्टराईले रेशम चौधरी लगायत राजनीतिक बन्दीहरुको रिहाई सत्ता स्वार्थका निम्ति मोलतोलको साधन बनाउन नहुने बताएका छन् ।

जनता समाजवादी पार्टीको केही नेताहरुले आफ्ना माग पूरा गरेमा केपी ओली नेतृत्वको सरकारमा सहभागी हुन सकिने अभिव्यक्ति दिइरहेका बेला डा.भट्टराईले सबै राजबन्दी तुरुन्त तुरुन्त र निर्शत रिहाइ गर्न माग गरेका गर्दै यस्तो बताएका हुन् ।

‘रेशम चौधरी लगायत सबै राजनीतिक बन्दीहरूको रिहाइ तुरून्त र निःशर्त गर ! थारू लगायत उत्पीडित राष्ट्रियताहरूको पहिचान र अधिकार सहितको राज्यपुनर्संरचना हुने गरी संविधान संशोधन गर ! यो जसपाको सर्वसम्मत र निरन्तरको अडान हो ! यो क्षणिक सत्ता स्वार्थनिम्ति मोलतोलको साधन नबनोस् र भ्रमको खेती नहोस !’ सामाजिक संजाल ट्विटरमा लेखेका छन् ।

रेशम चौधरी लगायत सबै राजनीतिक बन्दीहरूको रिहाइ तुरून्त र नि:शर्त गर!थारू लगायत उत्पीडित राष्ट्रियताहरूको पहिचान र अधिकार सहितको राज्यपुनर्संरचना हुनेगरी संविधान संशोधन गर!यो जसपाको सर्वसम्मत र निरन्तरको अडान हो!यो क्षणिक सत्तास्वार्थनिम्ति मोलतोलको साधन नबनोस् र भ्रमको खेती नहोस!

— Baburam Bhattarai (@brb1954) March 26, 2021

जनता समाजवादी पार्टीको केही नेताहरुले आफ्ना माग पूरा गरेमा केपी ओली नेतृत्वको सरकारमा सहभागी हुन सक्ने भन्दै छलफलमा रहेका बेला डा. भट्टराई लेजसरी पनि ओलीको विकल्प खोज्नुपर्ने बताउँदै आएका छन् ।