हामी सबैकाे संसारन्यूज

२४ चैत्र, काठमाडौं । सनराइज बैंक सनराइज बैंक विरगंज शाखा र लायन्स क्लब विरगंजद्वारा आ.एम केडिया आई अस्पतालको सहयोगमा निशुल्क आँखा शिविर सम्पन्न गरेको छ । शिविर विरगंज ३१,परसौनिमा यहि चैत्र २१ गते निशुल्क आँखा शिविर सम्पन्न गरेको छ ।

बैंकले आफ्नो सामाजिक उत्तरदायित्व अन्र्तगत सर्वसाधारणलाई सहज स्वस्थ्य सुबिधा दिने उद्देश्यसाथ उक्त कार्यक्रम सम्पन्न गरेको हो । सो कार्यक्रम सम्पन्न गर्न बैंकले लायन्स क्लब विरगंजलाई रु. १,८०,००० रकमको आर्थिक सहयोग गरेको हो ।

यसैगरी, शिविरमा २ सय ५० जनाको आँखा परिक्षण गरेकोमा १०० जनाको आँखामा समस्या देखिएको थियो । उक्त शिविरमा अस्पतालको ७ जना टोलिले सेवा प्रदान गरेका थि । उक्त समस्या देखिएका १०० जनाकोसमेत निशुल्क उपचार हुने जनाएको छ ।

सनराइज बैंकका अनुसार देशव्यापी रुपमा विभिन्न सामाजिक कार्यहरु गर्दै आइरहेको र आगामी दिनमा पनि यस्ता सामाजिक कार्यलाई निरन्तरता दिदैं जाने जनाएको छ ।