Sansar News
२५ चैत, काठमाडौं । पत्रकार महासंघ युरोप शाखाका नवनिर्वाचित अध्यक्ष प्रेम परियालाई ऐक्यबद्धता तथा संसरन्युज डटकमको कार्यालयमा स्वागत गरिएको छ ।
कार्यक्रममा ऐक्यबद्धता प्रकाशन प्रा.लिका अध्यक्ष निलकण्ठ तिवारीले परियारलाई खादा लगाइदिँदै कार्यकाल सफलताको कामना गर्दै समग्र पत्रकारको हितमा काम गर्न शुभकामना दिएका थिए । साथै कार्यसमितिका सबै पदाधिकारीलाई पनि कार्य सफलताको कामना गर्दै बधाई दिएका थिए ।
स्वागत ग्रहण गर्दै अध्यक्ष परियारले युरोपमा रहेका समग्र पत्रकारको हितका लागि कामगर्न आफुले कुनै कसर बाँकी नराख्ने बताए ।
‘प्रवासमा आफ्नो कामको व्यस्तताका वावजुत पनि सबै साथीहरु नेपाल र नेपालीका लागि लागि पर्नुभएको छ उहाँको योगदानको मूल्यांकन गर्दै उहाँहरुको हितको लागि सदैव लागि पर्नेछु । आफ्ना भनाइ राख्दै अध्यक्ष परियारले भने ।
कार्यक्रममा संसारन्युजकी प्रवन्ध सम्पादक चन्दा थापा(चन्द्रिकां) ले नर्वेमा रहेर परियारले संस्थाका लागि पुर्याएको योगदानको स्मरण गर्दै आगामी कार्यकाल सफलताको कामना गरेकी थिइन् । उनले नवगठित कार्यसमितिका सबै पदाधिकारीलाई बधाई तथा कार्यकाल सफलताको शुभकामना समेत दिएकी थिइन् ।
लामो समयदेखि नर्वेमा रहेर पत्रकारिता क्षेत्रमा सक्रिय बन्दै आएका अध्यक्ष परियार ऐक्यबद्धता मासिक तथा संसारन्युज डटकमका नर्वे संयोजक समेत हुन् ।
वि.सं.२०७७ चैत २५ बुधवार १६:१६ मा प्रकाशित
