हामी सबैकाे संसारन्यूज

२७ चैत, काठमाडौँ । प्रचण्डको साथ छोडी ओली नेतृत्वको सरकारमा मन्त्री बनेका टोपबहादुर रायमाझीले  सांसद पद खोसिए पछि प्रचण्डको आफुहरुलाई निलम्बन गर्ने हैसियत  के भनि प्रश्न गरेका छन् । उने प्रचण्डले नभै आफुहरुलाई जनताले निबार्चित गरेकाले उनले आफ्ना स्वार्थ पुरा नहुदा यो कदम चालेको आरोप पनि लगाए ।

कान्तिपुरसँगको कुराकानिमा उनले लोकतान्त्रिक मूल्य, मान्यता र कानुनी हैसियत विपरिद आफुहरुलाई कारबाही गरेकाले यसका विरुद्ध लड्ने  बताए । उनले ओलीलाई निरकुंश, प्रतिगामी भन्ने प्रचण्डले मौका पाउँदा लोकतान्त्रिक विधिविपरीत जनप्रतिनिधिलाई आफैंले जिताए जस्तो हठ राखेर कारबाही गरेकाले यसबाट उनको आचरण प्रष्टिएको बताए ।

२९ वर्षसम्मसँगै  सहकार्य गरेका प्रचण्डलाई सबैले साथ छोड्दै गएपनि आफुहरुले अन्तिमसम्म पनि साथ दिदादिदै पनि उनले विचार, राष्ट्र, जनता, योजना, विधि प्रक्रियामालाई लत्याउदै पद र प्रतिष्ठामा मात्रै केन्द्रित भएकाले साथ छोडेको  बताए । प्रचण्डले पार्टीमा लगानी गरेका मान्छेहरूको सट्टा अवसरवादी र टपरटुइयाँहरूको घेराबन्दीमा परेर मात्र काम गरेकाले पनि माओवादी हालको अवस्थामा पुगेको बताए ।