हामी सबैकाे संसारन्यूज

२७ चैत्र, काठमाडौँ । के तपाई आफ्नो सवारीचालक अनुमतिपत्र (लाइसेन्स) को प्रतिक्षामा हुनहुन्छ ? लाइसेन्स बन्यो की भनेर कार्यालयमा सोध्न जान्छु भन्ने सोचमा हुनुहुन्छ भने दुःख मात्र पाउनु होला।

यातायात कार्यालयहरुमा आफ्नो लाइसेन्स आए नआएको एकीन गरेरमात्र कार्यालय जानु पर्दछ । यातायात व्यवस्था कार्यालय, एकान्तकुना ललितपुरले एकीन गरेर मात्र कार्यालय आउन आग्रह गरेको छ ।

त्यसका लागि कार्यालयको वेवसाइट htt;://www.dotm,gov.npमा गएर दायाँ भागमा रहेको महत्वपूर्ण लिंकहरुमा रहेको सवारी चालक अनुमति पत्र खोजीमा क्लिक गर्नुपर्दछ ।

त्यसपछि आफ्नो ड्राइभिङ्ग लाइसेन्स नम्बर Entry गरी check status मा क्लिक गरेपछि तपाईको लाइसेन्स छपाई भएर तयार रहे नरहेको जानकारी प्राप्त हुनेछ । लाइसेन्स छपाई भैसकेको भन्ने साइटमा देखियो भने यातायात्र कार्यालयमा गएर लिनसक्नु हुनेछ ।