हामी सबैकाे संसारन्यूज

गत वर्षदेखि महामारीको रुपमा विश्वभरी फैलिएको कोरोना भाइरस (कोभिड १९) संक्रमण नियन्त्रणका लागि विश्वका धेरै देशका विभिन्न कम्पनीले उत्पादन गरेको कोरोना विरुद्धको खोप लगाउन सुरु गरिसकेका छन् ।

कोरोना विरुद्धको खोप अभियान नेपालमा पनि पहिलो चरणमा माघ १४ गतेबाट सुरु गरिएको थियो । पहिलो चरणमा स्वास्थ्यकर्मी, सुरक्षाकर्मी, चिकित्सक लगायत कोरोनाविरुद्ध फ्रन्ट लाइनमा खटिएकाहरुलाई लगाइएको थियो ।

नेपालमा १८ लाख भन्दा बढीले पहिलो चरणको खोप लगाइसकेका छन् भने पहिलो चरणमा खोप लगाएकाहरुको दोस्रो चरणको खोप अभियान अन्तर्गत दोस्रो मात्रा पनि बैशाख ७ गते लगाउन सुरु गरिएको छ । तर, नेपालमा मात्र नभएर विश्वभरी नै कोरोनाको खोप लगाउने सम्बन्धमा मानिसहरु दुविद्यामा परेको पाइन्छ ।

विश्वभरी हराउला भन्दा झन तिब्ररुपा संक्रमण बढ्दै गइरहेको अवस्थामा सबै देशले यसको नियन्त्रणका लागि कोरोनाविरुद्धको खोप भन्दा अरु उपाय नभएको बताइरहेका छन् ।

कोरोना निरन्त्रणका लागि यतिधेरै आवस्यक मानिएको खोप लगाउनका लागि केही उत्साहित भएको पाइन्छ भने केहीले त्यो लगाइसकेपछि देखिने परिणाम के होला भन्ने सोचाइका कारणले पनि खोप लगाउन डराइरहेको पाइन्छ । नेपालमा पनि धेरै मानिसहरु खोप लगाउन भन्दा पहिले डराएको र खोप लगाइसकेपछि १–२ दिन सामान्य ज्वरो आउने र शरीर गल्ने गरेको तर त्यसले त्यस्तो नकारात्मक असर नपारेको बताउँछन् ।

कोरोना नियन्त्रण अभियानका लागि खोपलाई विकल्पको रुपमा लिएका धेरै देशले आफ्नो देशका लक्षित वर्गले खोप नलगाउँदा बिभिन्न अफर तथा डर समेत देखाएको पाइन्५ ।

कोरोनाको खोप लगाउन डराएका चिनियाँ, अमेरिकन, भारतीय लगायतका विभिन्न देशका नागरिकलाई त्यहाँका कम्पनी तथा सरकारले विभिन्न अफर ल्याएको पाइएको छ ।

अमेरिकाको एक चर्चित डोनोट कम्पनी क्रिस्पी क्रीम कम्पनीले कोरोनाको खोप लगाउनेलाई २०२१ को अन्तिमसम्म आफ्नो कम्पनीको डोनोट खुवाउने भएको छ । माडरेना, फाइजर या जोनसन एन्ड जोनसन कम्पनीको भ्याक्सिन लगाएको कार्ड देखाउनेललाई २०२१ भरी दिनको एउटा डोनोट फ्रिमा उपलब्ध गराउने उक्त कम्पनीले जनाएको छ ।

त्यस्तै अमेरिकाको मिडवेस्टर्नका आयोवा, मिसौरी, विस्कान्सिन्, मिनिसोटा, टेनेसी र ओक्लाहोमाका आर्कोड बार चेनमा खोप लगाउनेहरुलाई ५ डलर उपलब्ध गराइएको छ । साथै ओहियोको क्विवल्याण्डका फिल्म हलमा खोप लगाएको प्रमाण देखाउनेलाई निःशुल्क रुपमा पपकर्न उपलब्ध गराइएको छ ।

त्यस्तै क्याब एग्रीगेटर एप उवरले भारतदेखि सम्पूर्ण एसिया, उत्तरी अमेरिका र युरोपमा भ्याक्सिन लगाउने सेन्टरसम्म जान तथा फर्किन असमर्थ रहेकाहरुका लागि एक करोड फ्रि राइडर दिने घोषणा गरिसकेको छ ।

चीनको बेइजिङमा कतिपय भ्याक्सिन सेन्टरको बाहिर म्याकडानल्डस् भ्याक्सीन लगाउनेलाई फ्रि आइसक्रिम खुवाउने भएको छ । साथै फोटो स्टुडियोले जोडीको विवाहको एल्बममा १० प्रतिशत छुट दिने अफर दिएका छन् ।

चीनकै उत्तरी गान्सु प्रान्तको एक स्थानीय सरकारले कविता लेखेर कोरोनाविरुद्धको खोपका बारेमा जानकारी दिइएको पाइएको छ भने हेनान प्रान्तको वानचेंग शहरका अधिकारीहरुले कोरोनाको खोप लगाउन अस्वीकार गर्नेहरुको छोराछोरीको स्कुलको शिक्षा, रोजगार तथा घर खतरामा पर्न सक्ने चेतावनी दिएको छ ।

त्यस्तै इजरायलका धेरै बार र रेष्टुराँमा कोरोना भ्याक्सिनको पहिलो डोज लिनेलाई फ्रि खाना र पेय पदार्थ निःशुल्क उपलब्ध गराउनका लागि सरकारसँग सम्झौता गरेको बताइएको छ ।

त्यस्तै दिल्ली र कर्नाटक राज्यका कतिपय रेष्टुरेण्ट र होटलमा कोरोनाविरुद्धको खोप लगाउनेलाई २५ देखि ३० प्रतिशतसम्म छुट दिइएको बताइएको छ । साथै होटल रेष्टुरेण्ट संचालकहरुले सर्वसाधारणको मोबाइलमा यस्तो प्रकारको म्यासेज पनि पठाइरहेको बताइएको छ । ऐजेन्सीको सहयोगमा