हामी सबैकाे संसारन्यूज

ऐजेन्सी । अमेरिकी स्पेस एजेन्सी नासा ले मंगल ग्रहमा उडाउने अभ्यास गरेको Inegnuity  हेलीकप्टरको लागि थप केहि समय प्रतिक्षा गर्नुपर्ने भएको छ । नासाको जेट प्रोपल्शन ल्याब्रोरेटरीले प्राविधिक कमजोरीका बाबजुद पनि १४ अप्रिलमा उडान परिक्षण गर्ने जनाएको थियो । तर नयाँ विश्लेषण गर्दा उडान परिक्षणको लागि अझै एक हप्ता प्रतिक्षा गर्नपर्ने देखिएको छ । अप्रिल ९ मा गरिएको हाई–स्पिड रोटर–स्पिनङ टेस्टको विश्लेषण गर्दा बैज्ञानिकहरुले अरु थप टेस्ट परिक्षणको लागि अझै हप्ता प्रतिक्षा गर्नुपर्ने निष्कर्ष निकालेका हुन् ।

अघिल्लो हप्ता निर्णय हुनसक्ने
JPL ले हेलिकप्टरको फ्लाइट नियन्त्रण सफ्टवेयरमा केहि परिवर्तको को आवश्यकता भएको जनाएको छ । त्यसैले हेलिकप्टरको उडान सम्बन्धमा अन्तिम फैसला हुन नसकेको हो । सफ्टवेयर परिवर्तनको लागि केहि समय लाग्न सक्छ । यसमा कति समय लाग्छ भन्ने विषयमा अध्ययन भइरहेको छ । बैज्ञानिकहरुका अनुसार यो चुनौती सामना गरेर दोस्रो ग्रहमा नियन्त्रणका साथ उडान गर्न सफल भएमा यो नयाँ इतिहास बन्ने छ ।

सफल होला त मिशन ?
हेलिकप्टरको अवस्था एकदम सहि छ । साथै यसको उर्जा सञ्चार प्राणालीले पनि अत्यन्तै सहि काम गरिरहेको छ । नासाका अनुसार हेलीकप्टर उड्न र केहि दुरी पार गर्न सफल भएमा मिशन ९० प्रतिशत सफल भएको मानिनेछ । यदि त्यसरी उडेर अवतरण गर्न सफल भएमा अरु थप चार फ्लाइट टेस्ट गर्न सकिनेछ । यो पहिलो पटकको परिक्षण भएकाले बैज्ञानिकहरु निकै उत्साहित देखिएका छन् । साथै बैज्ञानिकहरुले नयाँ खोज तथा अनुसन्धानमा रुची देखाएका छन् ।