हामी सबैकाे संसारन्यूज

देशमा पछिल्लो समय कोरोना संक्रमणको जोखिम तिब्ररुपमा बढिरहेकोले यसको रोकथामका लागि कोरोना विरुद्धको खोप बाहेक अन्य विकल्प पत्ता लागिसकेको छैन । नेपालमा दुई चरण गरेर झण्डै १९ लाखलाई कोरोनाको खोप द्रदान गरिसकिएको छ । तर, तर, जनमानसमा कोरोनाविरुद्धको खोप लगाएपछि त्यसबाट कस्तो असरपर्छ वा पर्दैन भन्ने ज्ञान नहुँदा खोप लिने भन्दा पनि नलगाउने भन्ने सोच राख्नेको संख्या बढी पाइन्छ ।

तिब्र रुपमा कोरोनाा संक्रमणको जोखिम बढिरहेका बेला विशेष अवस्थाका बाहेकका मानिसले प्रश्न नगरी खोप लगाउन सुझाव दिन्छन् जनस्वास्थ्य विज्ञ डा. समीरमणि दिक्षित ।

दिक्षितले धेरैले आफुलाई सम्पर्क गरेर उपलब्ध भएको कोरोनाको खोप लगाउने कि नलगाउने भनेर सोधिरहेकोले नलगाउने विकल्प नै नभएको र खोपले कडा संक्रमण र मृत्यबाट जोगाउने भन्दै विना प्रश्न उपलब्ध खोप लगाउन सुझाव दिएका हुन् ।

डा. दिक्षितले भनेका छन्–‘आफ्नो पालो आएको छ भने लगाइहाल्ने, जोखिम समुहले झनै लगाउने । केहि विशेष अवस्था भएकाले बाहेक अधिकांशले विना प्रश्न लगाउने । खोपले कडा संक्रमण र मृत्यबाट जोगाउंछ । त्यसैले लगाउने ।’

मलाइ धेरैले सम्पर्क गरेर सोधिरहनु भएको छ कि उपलब्ध खोप लगाउने कि नलगाउने ।

नलगाउने विकल्प नै होइन । आफ्नो पालो आएको छ भने लगाइहाल्ने, जोखिम समुहले झनै लगाउने । केहि विशेष अवस्था भएकाले बाहेक अधिकांशले विना प्रश्न लगाउने ।

खोपले कडा संक्रमण र मृत्यबाट जोगाउंछ । त्यसैले लगाउने ।

— Sameer M Dixit, PhD?? (@smadixit) April 18, 2021

स्वास्थ्य तथा जनसंख्या मन्त्रालयको तथ्यांक अनुसार नेपालमा हालसम्म १९ लाख ५८३ जनामा कोरोना विरुद्धको खोप लगाइसकिएको छ । माघ १४ गतेदेखि कोरोना विरुद्धको खोप अभियान सुरु गरेर पहिलो चरणमा कोरोनाविरुद्ध फ्रन्टलाइनमा खटिएर कामगर्नेहरुका लागि खोप प्रदान गरिएको थियो । जसमा स्वास्थ्यकर्मी, सुरक्षाकर्मी, एम्बुलेन्सचालक, शबबाहन चालक लगायतलाई लगाइएको थियो ।

त्यस्तै फागुन २३ गतेदेखि लगाउन थालिएको दोस्रो चरणको खोप ५५ वर्षमाथिकालाई लगाइएको थियो । जसमा औषधि पसल र प्रयोगशालामा कामगर्नेहरु, विश्वविद्यालयमा र स्कुलका शिक्षक तथा कर्मचारीहरु, यातायातमा कामगर्ने कर्मचारीहरुमा पनि लगाइएको थियो ।

त्यसैगरी सरकारले बैशाख ७ गतेबाट पहिलो चरणमा खोप लिएकाहरुमा दोस्रो मात्राको खोप लगाइने घोषणा गरिसकेको छ ।