Sansar News
वैशाख ६, काठमाडौं । लुम्बिनी प्रदेशका मुख्यमन्त्री शंकर पोखरेलले आफुविरुद्व अविश्वासको प्रस्तावमा हस्ताक्षर गरेका जनता समाजवादी पार्टीका चार सांसदलाई मन्त्री बनाउने भएका छन् । पोखरेलले आफुँविरुद्वको अविश्वास प्रस्ताव दर्ता भएको केहि घण्टा नबित्दै जसपाका सांसदहरुलाई मन्त्री बनाउने भएका हुन् ।
अविश्वासको प्रस्ताव दर्ता भएसँगै माओवादी केन्द्रका दुई मन्त्रीले राजीनामा दिएका थिए । माओवादी केन्द्रका मन्त्रीले राजीनामा दिएका मन्त्रालय र अन्य दुई मन्त्रालय विभाजन गरेर पाेखरेलले मन्त्री थप्ने तयारी गरेका हुन् ।
नियुक्त हुने मन्त्रीको सोमबार नै सपथ ग्रहण गराउने तयारी छ ।
मन्त्री पोखरेलले आफुँविरुद्वको अविश्वासको प्रस्तावमा हस्ताक्षर गरेका सांसदहरु विजय यादव, सन्तोष पाण्डे, कल्पना पाण्डे र सुमन रायमाझीलाई मन्त्री बनाउन लागेका हुन् ।
प्रदेशमा जसपाका ६ सांसद छन् । सोमबार दर्ता भएको अविश्वासको प्रस्तावमा ५ सांसदले हस्ताक्षर गरेका थिए ।
८७ सदस्यीय प्रदेशसभामा नेकपा (एमाले)का ४१ सांसद छन् । एमालेलाई बहुमत पुर्याउन थप दुई सांसदको आवश्यकता पर्दछ । मन्त्री थपको निर्णयसँगै मुख्यमन्त्रीको पक्षमा थप ६ सांसदको समर्थन हुनेछ ।
सम्बन्धित समाचार
लुम्बिनीका मुख्यमन्त्री पोखरेलविरुद्व अविश्वास प्रस्ताव दर्ता
वि.सं.२०७८ वैशाख ६ सोमवार १५:५० मा प्रकाशित
