Sansar News
वैशाख ६, काठमाडौं । लुम्बिनी प्रदेशका मुख्यमन्त्री शंकर पोखरेलविरुद्व अविश्वास प्रस्ताव दर्ता भएको छ । नेपाली कांग्रेस, नेकपा (माओवादी केन्द्र) र जनता समाजवादी पार्टीका सांसदहरुले पोखरेलविरुद्व अविश्वासको प्रस्ताव दर्ता गराएका हुन् ।
अविश्वासको प्रस्तावमा नयाँ मुख्यमन्त्रीको रुपमा माओवादी केन्द्रका कुलप्रसाद केसीलाई प्रस्ताव गरिएको छ ।
प्रस्तावमा कांग्रेसका १९, माओवादीका १७ र जसपाका ५ जनाले हस्ताक्षर गरेका छन् । अविश्वास प्रस्तावमा एक जना सदस्य रहेको राष्ट्रिय जनमोर्चा पनि सहमत छ ।
८७ सदस्यीय प्रदेशसभामा एमालेका ४१ सदस्य छन् । बहुमत पु¥याउन एमालेलाई थप दुई सदस्य आवश्यक पर्दछ ।
वि.सं.२०७८ वैशाख ६ सोमवार १३:०९ मा प्रकाशित
