१० बैशाख, काठमाडौ । गैर आवासीय नेपाली संघ (एनआरएनए) ले ८ अर्ब रुपैयाँ बराबरको साधारण सेयर (आइपीओ) निस्कासन गर्ने तयारी गरेको छ । एनआरएनएले यसअघिनै नेपाल सरकारसँग मिलेर १० अर्ब रुपैयाँ पुँजी भएको एनआरएन नेपाल डेभलमेन्ट फन्डको स्थापना गरिसकेको छ ।
अब उक्त फण्डले नेपालका कृषि, पर्यटन र पुर्वाधार क्षेत्रमा लगानि गर्ने तयारी गरेको छ । उक्त क्षेत्रमा कामगर्नका लागि हालसम्म १ सय ७० वटा परियोजनाका प्रस्ताव आइसकेको एनआरएनएका अध्यक्ष कुमार पन्तले बताए । ‘अहिलेसम्म हामीसँग १ सय ७० वटा परियोजनाका प्रस्ताव आएको छ, अबको ५-७ सातामै परियोजना सुरु हुन्छ,’ उनले भने ।
सुरुगर्न लागिएको परियोजनामा नेपाल सरकारको ५ प्रतिशत, सस्थापककाे १५ प्रतिशत र बाँकी ८० प्रतिशत आइपीओ मार्फत संकलन गरिने भएको छ । तर, आईपीओ भने सार्क मुलुक बाहेकका गैर आवासीय नेपालीले मात्र खरिद गर्न पाउने भएका छन् ।
संघले पहिलो चरणमा १० अर्ब रुपैयाँ लगानी गर्ने भएपनि यसलाई भविष्यमा बढाउदै १ वर्ष भित्रमै १ खर्ब पुर्याउने लक्ष्य राखेको छ ।
वि.सं.२०७८ वैशाख १० शुक्रवार १७:३५ मा प्रकाशित