Sansar News
१३ बैशाख, काठमाडौं । इन्डियन प्रिमियर लिग (आईपीएल) क्रिकेटको सट्टेबाजी( बेट) लगाउने कार्यमा सम्लग्न ११ जनालाई प्रहरीले पक्राउ गरेको छ । सट्टेबाजी गराउने उनीहरुलाई प्रहरीले काठमाडौंबाट पक्राउ गरेको महानगरीय अपराध महाशाखाका एसएसपी चन्द्र कुवेर खापुङले बताए ।
सट्टेबाजीमा संलग्नलाई प्रहरीले ठमेल, ज्याठा लगायत उपत्यकाका अन्य ठाउबाट पक्राउ गरेको हो । उनीहरुले सट्टेबाजीको लागि ह्वाट्स एप, भाइबर लगाएतका मोवाइल एप प्रयोग गर्ने गरेकाे पाइएको छ ।
विश्वका कतिपय देशमा सट्टेबाजी गराउन पाउने भएपनि नेपालमा भने यो कार्य गैरकानुनि छ । विशेषगरी फुटबल र क्रिकेटका ठुला प्रतियोगिताहरु हुदा नेपालमा सट्टेबाजी बढिनै हुने गरेको छ ।
वि.सं.२०७८ वैशाख १३ सोमवार १२:४७ मा प्रकाशित
