हामी सबैकाे संसारन्यूज

१४ बैशाख, काठमाडौं । एभरेष्ट बैंकले चालु आर्थिक वर्ष २०७७/७८ को तेस्रो त्रैमासको वित्तिय विवरण सार्वजनिक गरेको छ । यो आर्थिक वर्षको तेस्रो त्रैमासमा बैंकको नाफामा ३५.९२ प्रतिशतले गिरावट आएको छ ।

गत आर्थिक वर्ष २०७६/७७ को सोही अवधिमा बैंकले २ अर्ब ३५ करोड २६ लाख ५७ हजार रुपैयाँ नाफा आर्जन गरेकोमा यो आर्थिक वर्षको तेस्रो त्रैमासमा बैंकले १ अर्ब ५० करोड ७४ लाख ४६ हजार रुपैयाँमा नाफा आर्जन गरेको छ ।

नाफामा गरिवट आएपनि बैंकले यो अवधिमा निक्षेप संकलनमा भने सुधार गरेको छ । गत आर्थिक वर्षको समीक्षा अवधिमा १ खर्ब ४३ अर्ब ५४ करोड रुपैयाँ निक्षेप संकलन गरेको बैंकले चालु आर्थिक वर्षको सोही अवधिमा निक्षेप संकलन बढाएर १ खर्ब ५५ अर्ब ६५ करोड रुपैयाँ पुर्याएको छ ।

त्यस्तै, बैंकले यो आर्थिक वर्षमा कर्जा प्रवाह केहि बढाएको छ । गत आर्थिक वर्षमा १ खर्ब १२ अर्ब २१ करोड रुपैयाँ  कर्जा प्रवाह  गरेकोमा चालु आर्थिक वर्षको सोही अवधिमा बैंकले १ खर्ब २० अर्ब ३७ करोड रुपैयाँ कर्जा प्रवाह गरेको छ ।