हामी सबैकाे संसारन्यूज

१८ बैशाख,काठमाडौं । नेपाली कांग्रेसका प्रवक्ता विश्व प्रकाश शर्माले कोरोना संक्रमितको उपचारका लागि बडे छैन भन्नु लाचारी र लज्जास्पद भएको बताएका छन् ।

उनले कोरोना महामारीको अवस्थामा राज्यद्धारा नागरिकलाई गम्भीर बन्न अपिल गर्नु स्वभाविक र आवस्यक भएपनि ‘अस्पतालमा शैथ्या उपलब्ध गराउन नसकिने भइसकेको’ भन्ने सरकारको सार्वजनिक वक्तव्यले सरकारको लाचारी मात्रै होइन गैरजिम्मेवार प्रवृत्ति पनि पुष्टि गरेको उनले बताएका छन् ।

‘पूरै वर्ष दिन सत्ता द्धन्द्धमा बिताउने, संसद विघटन गरेर मध्य महामारीमा चुनाव घोषणा गर्ने, समयको सदुपयोग गरेर प्रयाप्त तयारी नगर्ने, तीन महिनामा सबै नेपालीलाई खोप भनेर सस्तो लोकप्रियताको अभिव्यक्ति दिने अहिले आएर बेड, भेन्टिलेटर, अक्सिजन आदि प्रयाप्त छैन भनेर निरीहता प्रस्तुत गने ? इतिहासकै सबैभन्दा गैरजिम्मेवार अभिव्यक्ति र जनताको जीवनप्रति खेलवाडको व्यवहार हो,’प्रवक्ता शर्माद्धारा शनिबारी जारी विज्ञप्तिमा भनिएको छ, ‘यस्तो निरहीता र अयोग्यताले आजको संकट पार लगाउन सकिन्न । नेपाली कांग्रेस लाचार अभिव्यक्त बन्द गरेर युद्धस्तरमा कार्य गर्न र कोरोना विरुद्धको संघर्षमा राज्यका क्षमता विस्तार गर्न सरकारलाई अपिल गर्दछ ।’