हामी सबैकाे संसारन्यूज

१८ बैशाख, काठमाडौं । रुपन्देहीमा थप दुई कोरोना संक्रमितको मृत्यु भएको छ ।

लुम्बिनी प्रादेशिक अस्पतालद्धारा स्थापित कोरोना विशेष अस्पतालमा उपचार गराइरहेकी रामग्राम नवलपरासीकी ४५ वर्षीया महिलाको मृत्यु भएको हो ।

ज्वरो तथा स्वास प्रश्वासमा समस्या देखिएपछि अस्पतामा भर्ना भएकी उनको १७ गते नै कोरोना संक्रमण भएको पुष्टि भएको थियो । उनको शनिबार बिहान ४ बजे मृत्यु भएको अस्पतालले जानकारी दिएको छ ।

त्यसैगरी शुद्धोदन रुपन्देशी निवासी ५५ वर्षीय कोरोना संक्रमित पुरुषको पनि उपचारका क्रममा मृत्यु भएको छ ।

बैशाख १३ गते कोरोना संक्रमण भइ शुक्रबारदेखि कोरोना विशेष अस्पतालमा उपचार गराइरहेका उनको शनिबार बिहान ५ः४५ मा मृत्यु भएको हो । उनमा ज्वरो, निमोनिया र स्वास प्रस्वासमा समस्या देखिएको थियो ।