हामी सबैकाे संसारन्यूज

२७ बैशाख, काठमाण्डौ । निर्मल लामा स्मृति प्रतिष्ठानका अध्यक्ष तथा नेकपा माओवादी केन्द्का नेता लिलामणि पोखरेलले निर्मल लामाकै स्कुलिंगका कारण राष्ट्रियताको आन्दोलन यतिसम्म उठेको बताएका छन् ।

निर्मल लामाको २० औ स्मुति दिवसका अवसरमा निर्मल लामा स्मृति प्रतिष्ठानले आयोजना गरेको बिशेष अभिमत कार्यक्रममा बोल्दै नेता पोखरेलले राष्टियता, जनतनत्र र जनजीवीकाको पक्षमा लडन सिकाउने सर्वहाराबर्गको असल प्रतिनिधिको रुपमा निर्मल लामालाइ स्मरण गरेका थिए ।

उनले एमसिसिको उठान, उद्देश्य, मापदण्ड, प्रक्रिया, नेपालसंगको संझौतालाइ प्रष्ट पार्दै कुनै छेउ र टुप्पोबाट पनि एमसिसि देशहितमा नभएको बताएका थिए । तत्कालिन नेकपा भित्रका ४५ स्थायी सदस्यमध्ये एकलै नोट अफ डिसेन्ट लेखेका नेता पोखरेलले राष्टियता कमजोर हुदा र आनदोलनमा बिचलन आउदा निर्मल लामालाइ स्मरणमा आइरहने बताएका थिए ।

कार्यक्रममा पुर्व सांसद तथा बामनेता घनश्याम पौडेलले ठालुबादबाट मुक्त र पदप्रतिष्ठाको तछाडमछाडबाट टाढा रहेका लामाले आन्दोलनमा धेरै योगदान गरेको बताएका थिए ।

प्रतिष्ठानका महासचिव दिलसुन्दर श्रेष्ठले संचालन गरेको सो कार्यक्रममा प्रल्हाद बुढाथोकी, कृष्ण आचार्य, नीलकण्ठ तिवारी, सरीता महर्जन, रणेन्द्र बराइलि, प्रदीप पोखरेल, द्रोण बाबु शिवाकोटी लगायतका वक्ताहरुले लामाको बहुआयामिक योगदानको स्मरण गरेका थिए । भर्चुअल प्रबिधिमा आयोजना गरीएको सो कार्यक्रममा सर्वोतम डंगोल, डा भरत लामिछाने, हरी घिमिरे, इन्द्र रेग्मी, किशन शर्मा, बलराम बास्कोटा, गणेश थापा, लेखराज रेग्मी लगायतका ब्यक्तिहरको सहभागीता रहेको थियो ।