हामी सबैकाे संसारन्यूज

२९ बैशाख, काठमाडौं । नेकपा माओवादी केन्द्रका नेता तथा पूर्वमन्त्री जर्नादन शर्माले राज्यका सम्पूर्ण स्रोत साधन प्रयोग गरेर कोरोनाको महामारीले आक्रान्त जनताको जीवन रक्षाको माग गरेका छन् ।

नेता शर्माले काठमाडौंमा मात्र दैनिक ८ देखि १० हजार सिलिण्डर उत्पादन हुने भएपनि त्यसको कहाँ प्रयोग भइरहेको छ र कसले कति खपत गरेको भन्ने जनतालाई जानकारी गराउन समेत आग्रह गरेका छन् ।

उनले राज्यसँग भएको सम्पूर्ण स्रोतसाधन ४ वटा जहाजहरु समेत प्रयोग गरेर संभव भएका विदेशी नियोग समेतको सहायता लिइ अक्सिजन आपूर्ति सहज गरि जनताको जीवन रक्षा गर्न माग गरेका छन् ।

‘क्षमता वृद्धि गर्न नसकेपनि उक्त अक्सिजनको खपत बारे जनतालाई जानकारी गराइयोस । राज्यसंग भएको सम्पूर्ण श्रोतसाधन ४ वटा जहाजहरु समेत प्रयोग गरि संभव भएका विदेशी नियोग समेतको सहायता लिइ अक्सिजन आपूर्ति सहज गरि जनताको जीवन रक्षा गरियोस् । म जनताको जीवन रक्षा गर्न आपनो ठाउँबाट सम्पुर्ण सहयोग गर्न प्रतिबद्ध छु ।।’ नेता शर्माले सामाजिक संजालमा लेखेका छन् ।