हामी सबैकाे संसारन्यूज

२७ वैशाख, काठमाडौँ । आइएमई जनरल इन्स्योरेन्स कम्पनीले चालु आर्थिक वर्ष २०७७/७८ को तेस्रो त्रैमासिकको वित्तिय विवरण सार्वजनिक गरेको छ ।

कम्पनीले चालु आर्थिक वर्षको तेश्रो त्रैमासमा ७५.७४ प्रतिशतले मुनाफा गरेको छ । कम्पनीले यो आर्थिक वर्षको नौ महिनामा १८ करोड ७५ लाख मुनाफा आर्जन गरेको छ । गत आर्थिक वर्षको सोहि अवधिमा कम्पनीले १० करोड ७३ लाख मुनाफा आर्जन गरेको थियो ।

कम्पनीले चालु आर्थिक बर्षको तेस्रो त्रैमासम्ममा ५१ अर्ब ८२ करोड रुपैयाँ खुद बीमा शुल्क आर्जन गरेको छ । यो गत आर्थिक वर्षको सोहि अवधिको तुलनामा ४२.८९ प्रतिशतले बढी हो । गत आर्थिक वर्षको सोहि अवधिमा कम्पनीले ३६ करोड २७ करोड रुपैयाँ खुद बीमा शुल्क आर्जन गरेको थियो ।

त्यसैगरी कम्पनीको बीमा कोषमा ४५ करोड ३२ हजार रुपैयाँ संचित भएको छ । कम्पनीको गत आर्थिक वर्षको सोहि अवधिमा जीवन बीमा कोषमा ३० करोड ४७ लाख रुपैयाँ संचित रहेको थियो ।

कम्पनीको खुद दावी भुक्तानी पनि २८.७९ प्रतिशतले बढेको छ । अघिल्लो आ।व।मा १५ करोड ४० लाख भुक्तानी गरेको कम्पनीले यस आ.व.मा १९ करोड ८३ लाख रुपैयाँ दावी भुक्तानी गरेको छ ।

कम्पनीको कुत्ता पूँजी पनि ५.९८ प्रतिशतले बढेर १ अर्ब १८ करोड पुगेको छ भने प्रतिशेयर नेटवर्थ १ सय ६९ रुपैयाँ ८७ पैसा रहेको छ ।