हामी सबैकाे संसारन्यूज

३० बैशाख, काठमाडौं । नेपालमा पछिल्लो २४ घण्टामा २१४ जनाको मृत्यु भएको छ ।

आज थपिएका २१४ जनासहित नेपालमा हालसम्म कोरोना संक्रमणबाट ज्यान ४४६६ पुगेको छ ।

त्यसैगरी पछिल्लो २४ घण्टामा गरिएको १९,४७४ पिसीआर र ७७१ ऐन्टिजेन गरी २०,२४५ नमुना परीक्षणमा ८९६० जनामा संक्रमण पुष्टि भएको छ ।

आज भक्तपुरमा ३४८, ललितपुरमा ४८१ र काठमाडौंमा २७३३ गरी उपत्यकामा ३,५६२ जना नयाँ संक्रमित थपिएका हुन् । बुधबारको तुलनामा उपत्यकामा विहीबार संक्रमित हुनेको संख्या ३६२ ले कमी हो ।

आज थपिएका ८,९६० जनासँगै नेपालमा हालसम्म कोरोनाबाट संक्रमित हुनेको संख्या ४ लाख ३१ हजार १९१ पुगेको छ ।

त्यसैगरी पछिल्लो २४ घण्टामा देशैभरी ५०५५ जना कोरोना संक्रमणबाट मुक्त भएका छन् । आज निको भएका ५०५५ जनासँगै हालसम्म संक्रमणबाट मुक्त हुनेको संख्या ३ लाख २१ हजार ५१८ पुगेको छ । हालसम्म निको हुनेको यो दर ७४.६ प्रतिशत हो ।

स्वास्थ्य तथा जनसंख्या मन्त्रालयका अनुसार देशभरीका विभिन्न अस्पतालका आइसीयुमा १३८१ जना र भेन्टिलेटरमा ३८० जना उपचाररत छन् । बुधबारको तुलनामा विहीबार आइसीयु र भेन्टिलेटरमा उपचाररत संक्रमितको संख्या बढेको छ ।

त्यसैगरी हाल देशैभरी १ लाख ५ हजार २०७ जना सक्रिय संक्रमित रहेका छन् । जसमा संस्थागत आइसोलेशनमा ८,८२८ जना रहेका छन् भने होम आइसोलेशनमा रहनेको संख्या ९६ हजार ३७९ रहेको छ । साथै हाल देशका विभिन्न जिल्लाका क्वारेन्टिनमा ४९७ जना रहेका छन् ।