हामी सबैकाे संसारन्यूज

वैशाख ३१, काठमाडौं । जनता समाजवादी पार्टी (जसपा)को महन्थ ठाकुर समूहले संसदीय दलको नेता चयन गरेको छ । भक्तपुरको एक रिसोर्टमा बिहिबार बेलुका भएको उक्त समूहका सांसदहरुको बैठकले नेता चयन गरेको हो ।

जसपाका सांसद उमाशंकर अरगरियाले बताएअनुसार पार्टीका प्रथम अध्यक्ष महन्थ ठाकुरको उपस्थितिमा बहुमत सांसदहरुको बैठकले राजेन्द्र महतोलाई संसदीय दलको नेताको रुपमा चयन गरेको हो । उनका अनुसार बैठकमा २० सांसदको उपस्थिति थियो ।

बताइएअनुसार बैठकले गरेको निर्णय पार्टी कार्यालयमा भने दर्ता गरिएको छैन् । निर्णय भोली दर्ता गर्ने तयारी गरिएको उनले बताए ।

बैठकमा अर्का अध्यक्ष उपेन्द्र यादव पक्षका सांसदहरु भने उपस्थित थिएनन् । यता उपेन्द्र यादव समूहले भने उक्त बैठक अवैधानिक भएको भन्दै निर्णय मान्य नहुने बताएको छ ।

यादव समूहका एक नेताले महेश बस्नेत र उनको समूह आफ्नो पार्टीकाे सांसद नभएको बताए । उनका अनुसार बैठकमा १२ सांसद मात्रै उपस्थित थिए । बाँकी महेश बस्नेतका सहयाेगी थिए ।