हामी सबैकाे संसारन्यूज

३ जेठ, काठमाडौँ । झापाका प्रमुख जिल्ला अधिकारीले चीनमा पढने नेपाली विद्यार्थीलाइ सहजीकरण गरिदिएका छन् ।

काठमाण्डौमा भेरोसेलको पहिलो खोप लगाएर हाल झापामा रहेका विद्यार्थीलाई उनले काठमाण्डौ जान आउन सहजीकरण गरीदिएका हुन् । झापा घर भएका चीनमा अध्ययनरत नेपाली विद्यार्थीहरुले भ्याक्सिन लगाउनका लागि सम्बन्धित ठाउँमा अनुरोध गरेपछि जिल्ला प्रशासन कार्यालय झापाका प्रमुख जिल्ला अधिकारी श्रवण कुमार तिमिल्सिनाले विद्यार्थीहरुको चिन्ताका कारण काठमाडौँ आउनेसम्मको गाडीको व्यवस्था गरिदिएका हुन् । खोप पाइन्छ की पाइँदैन भन्ने डरले कोही बाइक त आफ्नो साधन हुनेहरु आफ्नै साधनको पनि प्रयोग गरेर काठमाडौंँ आएका छन् । चितवनबाट खोप लगाएको कार्ड लगाउँदै बाइकमा काठमाडौँ आएका विद्यार्थी निशान कट्टेलले  बाटामा ठाउँठाउँको चेकिङमा दुःख पाइएको बताए ।

प्रमुख जिल्ला अधिकारी तिमिल्सिनाले आफूले विद्यार्थीको समस्या बुझेर सहजीकरण गरिदिएको संसारन्यूजसँग बताए । ‘भ्याक्सिन नलगाए पढ्न जान नपाउने भएका कारण विद्यार्थीको कार्डका आधारमा काठमाडौं जानका लागि गाडीको सहजीकरण गरेको हुँ,। १०–१५ जना विद्यार्थी यताबाट गएका होलान । उनीहरुले चिनीया दूतावासको समन्वयमा भ्याक्सिन लगाउनेछन् ।’ झापाका सिडियोले सहयोग गरेकोमा खुशी व्यक्त गर्दै अन्य जिल्लामा रहेका विद्यार्थीहरुले पनि विच्याटमार्फत संवादलाई अघि बढाएका छन् ।

विद्यार्थीहरुको यस्तो मर्कालाई बुझेर स्वास्थ मन्त्रालयले शिघ्र ब्यबस्था गर्ने बताइएको छ ।