हामी सबैकाे संसारन्यूज

७ जेठ, काठमाडौं । नेपाल विद्यार्थी संघ (नेविसंघ) ले राष्ट्रपति विद्यादेवी भण्डारीले असंबैधानिक कदम चालेको भन्दै शितल निवास अगाडि प्रदर्शन गरेको छ ।

प्रधानमन्त्रीको सिफारिसमा राष्ट्रपतिले २१ घण्टाभित्रमा वैकल्पिक सरकार गठनको आव्हान गरेपछि उक्त कदमलाई असंबैधानिक मान्दै त्यसको विरोधमा नेविसंघले राष्ट्रपति कार्यालय अगाडि विभिन्न नारासहितको प्लेकार्ड बोकेर प्रदर्शन गरेको हो ।

प्रदर्शनका क्रममा नेविसंघका नेताहरु नरेश विष्ट र श्याम ओझालाई प्रहरीले नियन्त्रणमा लिएको बताउँदै नेविसंघका महामन्त्री दीपक भट्टराईले उनीहरुको अविलम्ब रिहाइको माग गरेका छन् ।

महामन्त्री भट्टराईले उनीहरुको अविलम्ब रिहाइ नगरे यो असहज परिस्थितिमा पनि आफूहरु आन्दोलित हुन बाध्य हुने चेतावनी समेत दिएका छन् ।