हामी सबैकाे संसारन्यूज

एनआरएनए अफ्रिकाको तत्काल अक्सिजन सहयोग अभियान अन्तर्गत १० थान अक्सिजन सिलिन्डर गुल्मीमा पनि पठाइएको छ । उक्त सहयोग गुल्मी सत्यवती गाउँपालिका स्वास्थ्य प्रमुख सुर्य बहादुर रानालाई मंगलबार बुटवलमा हस्तान्तरण गरिएको हो । अक्सिजन सिलिन्डरहरु गुल्मी जिल्लाका जोहाङ्ग र भार्से स्वास्थ्य चौकीमा तत्कालै पुर्याइने प्रमुख रानाले जानकारी दिए ।

एनआरएनए अफ्रिकाका सबै राष्ट्रिय समन्वय समितिका तर्फ बाट लुम्बिनी क्षेत्रको संयोजन गरि रहेका एनआरएनए कङ्गो अध्यक्ष अमृत क्षेत्रीका अनुसार यस सहयोगका लागि एनआरएनए बोत्स्वाना अध्यक्ष पदम भन्डारी र हङ्गकङ्गबाट कुलबहादुर बुढाथोकीले आर्थिक सहयोग गरेका छन् ।

एनआरएनए अफ्रिका क्षेत्रीय संयोजक रोशन थापाका अनुसार पाल्पाको जिल्ला अस्पताल र रामपुर अस्पतालमा अक्सिजिन सिलिन्डरमा पनि मंगलबारै बितरण गरिने तथा स्याङ्जाको लागि ब्यबस्थापन भइरहेको छ ।

थापाका अनुसार यस अघि एनआरएनए अफ्रिकाको तत्काल अक्सिजन सहयोग अभियानले चितवनको रत्ननगर अस्पताल , कैलालीको टीकापुर अस्पताल , परासी अस्पताल, पूर्व नवलपरासी को रजहर अस्पताल, बाराको सिमरा स्वास्थ्य केन्द्र र इलाम अस्पतालमा अक्सिजन सिलिन्डर सहयोग गरिसकेको छ । साथै अछामको मङ्गलसेन र बयालपाटा अस्पतालमा अक्सिजिन सिलिन्डर पुर्याइदै छ ।

त्यसैगरी कर्णाली स्वास्थ्य बिज्ञान प्रतिष्ठान, जुम्लामा पनि सहयोग पठाउने तयारी हुदैछ । हाल सम्म १२५ थान अक्सिजन सिलिन्डर खरिद सहित र ६५९ थान रिफिल्ड्ड अक्सिजन सहयोग यस अभियानले १० जिल्लामा हस्तान्तरण गरि सकेको छ ।