Sansar News
१२ जेठ, काठमाडौं । भारतमा कोरोना संक्रमित हुनेको संख्या घट्दै र निको हुनेको संख्या बढीरहे पनि मृत्यु हुनेको संख्या भने घट्न सकेको छैन ।
भारतमा मंगलबार २ लाख ८ हजारमा कोरोना संक्रमण पुष्टि भएको छ । सोमबारको तुलनामा यो संख्या १३ हजारले बढी रहेको छ । तर, विगतको तुलनामा संक्रमित हुनेको संख्या २ लाख बढीले घटेको हो ।
त्यसैगरी मंगलबार ४,१५९ जनाले ज्यान सोमबारको तुलनामा मृत्यु हुनेको यो संख्या झण्डै ६६३ ले बढी हो ।
त्यसैगरी सोहि अवधिमा २ लाख ९५ हजार कोरोना संक्रमित निको भएका छन् ।
भारतमा हालसम्म २ करोड ७१ लाख कोरोना संक्रमित भइसकेका छन् । सोहि अवधिमा २ करोड ४३ लाख निको भइसकेका छन् भने हाल २४ लाख ९० हजार कोरोना संक्रमितको अस्पतालमा उपचार भइरहेको छ ।
त्यसैगरी भारतमा हालसम्म ३ लाख ११ हजारले ज्यान गुमाइसकेको पनि त्यहाँको स्वास्थ्य मन्त्रालयले जनाएको छ ।
दिल्लीमा सोमबार १५६८ जनामा संक्रमण
दिल्लीमा कोरोना संक्रमित हुनेको संख्या घटेको छ । केही सातायता दिल्लीमा संक्रमित हुनेको संख्या निकै नै घटेको छ । सोमबार दिल्लीमा १५६८ संक्रमित भएका छन् भने ४,२५१ जना निको भएका छन् । सोहि अवधिमा १५६ जनाले ज्यान गुमाएका छन् । यो सोमबारको तुलनामा कमी हो ।
त्यस्तै महाराष्ट्रमा सोमबार २४,१३६ जनामा संक्रमण पुष्टि भएको छ भने सोहि अवधिमा २६,१७६ जना निको भएका छन् । महाराष्ट्रमा संक्रमित हुने भन्दा निको हुने संख्या बढी छ । तर मृत्यु हुनेको संख्या भने घट्न सकेको छैन । महाराष्ट्रमा मंगलबार ११३७ जनाको मृत्यु भएको छ । मृत्यु हुनेको यो संख्या सोमबारको तुलनामा ५४५ ले बढी हो । महाराष्ट्रमा हाल ३ लाख १४ हजार सक्रिय संक्रमितको उपचार भइरहेको छ ।
भारतमा निरन्तर घट्दै कोरोना संक्रमितको संख्या, सोमबार १ लाख ९५ हजारमा संक्रमण
वि.सं.२०७८ जेठ १२ बुधवार १५:११ मा प्रकाशित
