हामी सबैकाे संसारन्यूज

१५ जेठ, काठमाडौँ । नेपाल इन्फ्रास्ट्रक्चर बैंक लिमिटेडले कोरोना रोकथाम, नियन्त्रण र संक्रमितको व्यवस्थापनका लागि सातैवटा प्रदेशलाई आर्थिक सहयोग गरेको छ ।

बैंकले संस्थागत सामाजिक उत्तरदायित्व अन्तर्गत प्रत्येक प्रदेशले ७ लाख पाउने गरी बैंकले ४९ लाख रुपैयाँ सहयोग गरेको हो ।

उक्त रकम प्रदेश १ मा दमक नगरपालिका, प्रदेश २ मा जनकपुर प्रादेशिक अस्पताल, वाग्मती प्रदेशमा पनौती नगरपालिका, गण्डकी प्रदेशमा गोरखा नगरपलिका, लुम्बिनी प्रदेशमा कपिलवस्तु नगरपालिका, कर्णाली प्रदेशमा वीरेन्द्रनगर नगरपालिका र प्रदेश ७ मा महाकाली अस्पताललाई प्रदान गरिएको बैंकले जनाएको छ।