हामी सबैकाे संसारन्यूज

जेठ १६, काठमाडौं । नेकपा (एमाले)को स्थायी समिति आइतबार अपरान्ह बस्ने भएको छ । पार्टी अध्यक्ष एवं प्रधानमन्त्री केपी शर्मा ओलीले प्रधानमन्त्री निवास बालुवाटारमा अपरान्ह ५ बजेका लागि बैठक बोलाएका हुन् ।

बैठकमा पछिल्लो राजनीतिक अवस्थाबारे समिक्षा गर्ने हुने एक नेताले बताए । उनका अनुसार आजको बैठकमा स्पष्टीकरण मागिएको माधवकुमार नेपाल पक्षका १२ सांसदमाथि थप कारबाहीको निर्णय हुनसक्नेछ ।

ओलीले माधव पक्षका सांसदहरु विरोध खतिवडा, जीवनराम श्रेष्ठ, घनश्याम भुसाल, सोमप्रसाद पाण्डे, कृष्णलाल महर्जन, झपट रावल, भवानीप्रसाद खापुङ, यज्ञ सुनुवार, सुरेन्द्र पाण्डे, मेटमणि चौधरी, दीपकप्रकाश भट्ट र नारायण खतिवडासँग सोधेका थिए । तर उनीहरुले तोकिएको अवधिभित्र स्पष्टीकरण बुझाएनन् ।

यसअघि माधव नेपालसहित उनी पक्षका ११ सांसद पार्टी सदस्यसमेत नरहने गरि कारबाही गरिएको थियो । स्पष्टीकरण नबुझाएका थप १२ सांसदमाथि पनि सोहीअनुसारको कारबाही गरिने सम्भावना बढि छ ।