हामी सबैकाे संसारन्यूज

१६ जेठ, काठमाडौं । चितवन ५ राजनीतिक दलहरुले संविधानवाद र लोकतान्त्रिक अभियानमा सरिक भैदिन आह्वान गरेका छन् ।

क्षेत्र नं २ का ५ राजनीतिक दलका क्षेत्रीय अध्यक्षहरुद्वारा जारी संयुक्त प्रेस विज्ञप्तिमा संघीय लोकतान्त्रिक गणतन्त्र नेपालको संविधानको मुल मर्म र भावना विपरित प्रधानमन्त्री केपी शर्मा ओली र राष्ट्रपति विद्यादेवी भण्डारीको मिलेमतोमा दोस्रो पटक भएका् प्रतिनिधिसभा विघटनप्रति भत्र्सना गर्दै संविधानवाद र लोकतान्त्रिक दिशामा अघि बढाउने अभियानमा सरिक हुनका लागि सम्पूर्ण जनसमुदायलाई आह्वान गरेका हुन् ।

प्रधानमन्त्री र स्वयम् राष्ट्रपति समेत अलोकतान्त्रिक, निरंकुश, तानाशाही बाटो हिंड्न खोजेको प्रमाणित भएको विज्ञप्तिमा उल्लेख छ ।

उनीहरुले जननिर्वाचित प्रतिनिधिसभा विघटन गरेर लोकतान्त्रिक अभ्यासलाई खिल्ली उडाइ अध्यादेशमार्फत शासन चलाउने पद्धतिप्रति समेत गम्भिर आपत्ति जनाएका छन् ।

विज्ञप्तिमा कोभिड १९ का विरामीको निःशुल्क उपचार गर्ने निर्णय कार्वान्वयन तथा अस्पतालहरुमा स्वास्थ्य सामग्रीको यथोचित व्यवस्था, बन्दाबन्दीका कारण प्रभावितहरुका निम्ति तुरुन्त राहतको व्यवस्था, स्थानीय कृषि उत्पादनको बिक्रि वितरणको व्यवस्था मिलाउन र महंगी तथा कालो बजार नियन्त्रण गर्ने सरकारको ध्यानाकर्षण गराइएको छ ।

संयुक्त प्रेस विज्ञप्ति जारी गर्नेमा नेपाली काँग्रेस क्षेत्र नं २ चितवनका सभापति भरत प्रसाद लामिछाने, नेकपा (माओवादी केन्द्र) का क्षेत्रीय अध्यक्ष द्रोण सिवाकोटी, नेकपा (एमाले)का क्षेत्रीय उपसंयोजक एवम् उपाध्यक्ष कृष्णराज न्यौपाने(लब्ली), जनता समाजवादी पार्टीका क्षेत्रीय अध्यक्ष मुस्तफा अलि र राष्ट्रिय जनमोर्चाका क्षेत्रीय अध्यक्ष नारायण चालिसे रहेका छन् ।