हामी सबैकाे संसारन्यूज

१७ जेठ, काठमाडौं । साताको दोस्रो दिन सोमबार सेयर काराेबार परिसूचक (नेप्से)मा उच्च अंकको गिरावट देखिएको छ ।

अधिकांस समूहको सूचक नकारात्मक देखिएको आजको बजारमा करोबार रकम भने १४ अर्ब नजिक देखिएको छ ।

आज नेप्सेमा ४५ दशमलब ०७ अंकले गिराबट आएर २७८२ दशमलब ८६ बिन्दुमा कायम भएको छ । त्यस्तै ठूला कम्पनीहरुको कारोबार मापक सेन्सेटिभ पनि ६ दशमलब ५० अंकले घटेर ५०० दशमलब ५५ बिन्दुमा कायम भएको नेप्सेले जनाएको छ ।

सूचिकुत मध्ये २१८ कम्पनीका १३ अर्ब ९० करोड ९१ लाख १३ हजार २९१ रुपैंया बराबरको ३ करोड ८ लाख ८८ हजार ६९५ कित्ता सेयर किनबेच भएको छ । तीनको कारोबारमा १ लाख ४८ हजार ७१५ पटक लेनदेन भएको छ ।

आज सबैभन्दा बढी जल बिद्युत समूहको कारोबार भएको छ । सो समुहको ५ अर्ब ७१ करोड ५५ लाख ९८ हजार रुपैंयाँ बराबरको करोबार भएको छ ।

त्यस्तै केहि दिनदेखि सनरन्तर ओरालो लागेको लघु बित्तको पनि उल्लेख्य कारोबार भएको छ । राधि बिद्युत कम्पनी, सेन्ट्रल फाइनान्स, नारायणी डेभलोपमेन्ट बैंक लगायतका २६ कम्पनीका लगानीकर्ताले कमाउँदा बरुण हाईड्राे, नेपाल हाईड्रो डेभलपर्स, छ्याङ्दी हाईड्रो लगायतका १४५ कम्पनीका लगानीकर्ता गुमाउँनेमा परेका छन् । २ कम्पनीको सूचकमा भने कुनै पनि परिवर्तन आएको छैन ।