हामी सबैकाे संसारन्यूज

२४ जेठ, काठमाडौँ । फिफा विश्वकप २०२२ र एएफसी एसियन कप २०२३ को संयुक्त छनोट अन्तर्गत नेपालले आज जोर्डनको सामना गर्दै छ ।

यसअघि नेपालले चाइनिज ताइपेईमाथि २–० गोलको जित निकालेको थियो । आज पनि उच्च मनोबलका साथ मैदानमा उत्रने तयारी भएको नेपाली राष्ट्रिय फुटबल टिमका मुख्य प्रशिक्षक अब्दुल्लाह अलमुताईरीले बताएका छन् ।

नेपाल रहेको समूह ‘बी’ को तालिकामा १५ अंकका साथ अष्ट्रेलिया शीर्ष स्थानमा छ । त्यस्तै, दोस्रो र तेस्रो स्थानमा क्रमशः कुवेत र जोर्डन छन् । यी दुवै टिमको समान १० अंक छ । नेपाल ६ अंक जोडेर तालिकाको चौथो स्थानमा छ ।

जोर्डनसँग नेपालले हालसम्म ३ म्याच खेलेको छ । जसमा दुई खेल जोर्डनले जित्दा एक खेल बराबरीमा सकिएको थियो । यी दुई टिम बिचको खेल नेपाली समय अनुसार ९:४५ बाट कुवेतको जाबेर अल अहमद अन्तर्राष्ट्रिय स्टेडियममा हुनेछ ।