हामी सबैकाे संसारन्यूज

२५ जेठ, काठमाडौं । नेकपा एमालेका नेता बामदेव गौतमले पार्टी भित्र चुलिँदै गएको समस्या समाधानका लागि नयाँ प्रस्ताव गरेका छन् ।

पार्टी एकता राष्ट्रिय अयिभानको संयोजकसमेत रहेका नेता गौतमले २०७५ जेठ २ गते कायम रहेको पार्टीको स्थायी कमिटीको बैठक बोलाएर विवाद समाधान गर्न प्रस्ताव गरेका छन् ।

पार्टी अध्यक्ष तथा प्रधानमन्त्री केपी शर्मा ओलीले जेठ २३ गते जारी गरेको पार्टी एकता आह्वान वक्तव्यका सम्बन्धमा बसेको अभियानको बैठकले गरेका निर्णयहरु सार्वजनिक गर्दै मंगलबार जारी गरिएको प्रेस विज्ञप्तिमा उनले अध्यक्ष केपी शर्मा ओलीलाई २०७५ जेठ २ गते कायम रहेको दुई बरिष्ठ नेता, चार उपाध्यक्ष, एक महासचिव, दुई उपमहासचिव र पाँच सचिवसहितको स्थायी कमिटी बैठक बोलाउन आग्रह गरेका हुन् ।

अभियानको बैठकले गरेका ५ निर्णयहरुको बुँदा नं ३ मा भनिएको छ ‘छिटोभन्दा छिटो २०७५ जेठ २ गते कायम रहेको नेकपा(एमाले)को वरिष्ठ नेता, चार उपाध्यक्ष, एक उपमहासचिव र पाँच सचिवसहितको स्थायी कमिटी बैठक बोलाएर पार्टीभित्र उत्पन्न भएका विषयहरुमा छलफल गरी सही मार्गनिर्देश गर्न एकता अभियानको यो बैठक पार्टी अध्यक्ष तथा प्रधानमन्त्री क. केपी ओली समक्ष हार्दिक अनुरोध गर्दछ ।’

बैठकले पार्टी अध्यक्ष तथा प्रधानमन्त्री ओलीले एकताका लागि पेश गरेको ६ बुँदे प्रस्तावलाई पार्टी एकताको इमान्दार प्रयास मान्न नसकिने निष्कर्ष निकालेको बताइएकाे छ । २०७५ जेठ ३ पूर्वको जस्ताको तस्तै अवस्थालाई अस्वीकार गर्न सकिन्छ भन्नुलाई एकताको इमान्दार प्रयास मान्न नसकिने विज्ञप्तिमा उल्लेख छ ।

अध्यक्षको वक्तव्यमा आफ्नै प्रशंसा लगायत कुटिल चातु¥यता र जालझेलको अनुमान गर्न सकिने भाषाशैलीको प्रयोगका बाबजुद पनि ‘नेकपा (एमाले)लाई २०७५ जेठ ३ गते पूर्वको अवस्थाबाट अगाडि बढाइने छ’ भन्नुलाई सकरात्मक भनिएको छ ।

यस्तो छ अभियानको बैठकले जारी गरेको विज्ञप्ति :