हामी सबैकाे संसारन्यूज

२६ जेठ, काठमाडौं । कोरोना संक्रमणबाट बागमती प्रदेशमा मंगलबार थप ३२ जनाको मृत्यु भएको छ ।

प्रदेशको सामाजिक विकास मन्त्रालयका अनुसार प्रदेशमा मंगलबार ३२ जना कोरोना संक्रमितको मृत्यु भएको हो । मृत्यु हुनेमा काठमाडौंका ११, ललितपुरका ९, भक्तपुरका २, काभ्रेपलान्चोकका ५, रामेछाप, मकवानपुर, सिन्धुली, दोलखा र चितवनका १/१ जना रहेका छन् ।

मन्त्रालयका अनुसार मृत्यु भएका मध्ये काठमाडौंमा ४४, ५०, ८२, ४४, ७४, ९२, ८०, ८७ र ९० वर्षीय ९ पुरुष र ३१ र ३२ वर्षीया २ महिला गरेर ११ जना रहेका छन् ।

त्यसैगरी ललितपुरमा ६९, ६५, ५८, ३६ र ७३ वर्षीय ५ पुरुष र ६८, ७४, ६४ र ६० वर्षीया ४ महिला गरी ९ जना संक्रमितको मृत्यु भएको हो ।

त्यस्तै भक्तपुरका ४७ र ४५ वर्षीय २ पुरुष, काभ्रे पलान्चोकका ६१ वर्षीय पुरुष र ८३, ६७, ७६ र ७१ वर्षीया ४ महिलासहित ५ जना रहेका छन् ।

त्यस्तै रामेछापका ५१ वर्षीय, मकवानपुरका ५२ वर्षीय, सिन्धुलीका ७० वर्षीय, दोलखा र चितवनका ४८ वर्षीय पुरुषको मृत्यु भएको हो ।

हाल देशैभरीका विभिन्न अस्पतालका भेन्टिलेटरमा उपचार गराइरहेका रहेका ३७२ कोरोना संक्रमित मध्ये वागमती प्रदेशमा मात्रै २३२ जना रहेका छन् ।

त्यस्तै देशैभरीका विभिन्न अस्पतालका आइसीयुमा उपचार गराइरहेका १३२१ संक्रमित मध्ये वागमती प्रदेशमा ४७७ जनाको उपचार भइरहेको छ ।