Sansar News
जेठ २७, काठमाडौं । गण्डकी प्रदेशका मुख्यमन्त्री पृथ्वीसुब्बा गुरुङ्गले विश्वासको मत गुमाएका छन् । बिहिबार प्रदेशसभामा गुरुङले विश्वासको मत लिन गरेको प्रस्ताव पारित हुन सकेन ।
प्रदेशसभामा भएको मत विभाजनमा उनको पक्षमा जम्मा २७ मत परेको छ । जुन बहुमत भन्दा ४ मतले कम हाे ।
६० सदस्यीय प्रदेशसभामा विश्वासको प्रस्तावको विपक्षमा ३० मत परेको छ ।
प्रदेशका सभामुख नेत्रप्रसाद अधिकारीले जनाएअनुसार बिहिबारको मतदानमा ५८ जना उपस्थित थिए । जसमध्ये १ जनाले कतै पनि मत हालेनन् ।
मुख्यमन्त्री गुरुङ्गलाई यसअघि नै निर्णायक मानिएका जनता समाजवादी पार्टी (जसपा) र राष्ट्रिय जनमोर्चाले मत नदिने घोषणा गरेका थिए ।
वि.सं.२०७८ जेठ २७ बिहीवार १८:११ मा प्रकाशित
