हामी सबैकाे संसारन्यूज

३० जेठ, काठमाडौँ । राप्रपाका अध्यक्ष तथा पूर्वअर्थमन्त्री डा. प्रकाशचन्द्र लोहनी (Dr. Prakash Chandra Lohani) ले पाँच पूर्वप्रधानमन्त्रीसँग प्रश्न गरेका छन् ।

शनिबार पाँच पूर्वप्रधानमन्त्रीहरुले नेपालको आन्तरिक राजनीतिमा वाह्य शक्तिको प्रत्यक्ष वा परोक्ष हस्तक्षेप एवम् चलखेल भएको भन्दै जारी संयुक्त प्रेस विज्ञप्तीका सन्दर्भमा राप्रपा अध्यक्ष डा लोहनीले उक्त सवाल गरेका हुन् ।

पाँच पूर्वप्रधानमन्त्रीद्वारा जारी विज्ञप्तीको समर्थन गर्दै अध्यक्ष डा लोहनीले विगतमा विदेशी चलखेल भित्र्याउन उनीहरु पनि उत्तिकै जिम्मेवार भएको र त्यसका लागि जनतासँग माफी माग्नु पर्ने बताएका हुन् ।

उनले भनेका छन् ‘बिगतमा विदेशमा गएर बिदेशीको साथ र समर्थन लिएर नेपालको राजनीतिमा बिदेशी चलखेल किन स्वागत गर्नु भयो ? किन बिदेशीहरुको प्यादा बन्नु भयो ? यो कुरो बिदेशी राजनेताहरुले आफ्ना किताबमा समेत प्रस्ट गरेका छन। यो भुल भयो भनेर नेपाली जनतासग के माफी माग्नु पर्दैन?

अहिलेको सरकार पनि विगतको सरकार जस्तै बिदेशीसँग मिलेर बिगतमा हुलेको लम्पसारवादको बाटोमा गैरहेको पनि उनले बताएका छन् ।

अध्यक्ष डा लोहनीले सामाजिक सञ्जालमा लेखेका छन् :
“नेपालको राजनीति मा बाहिरी चलखेल हुन नपावस भन्ने भु.पु. पाँच प्रधानमन्त्रीहरुको भनाइको म खुला समर्थन गर्दछु किनभने यो राष्ट्रिय स्वाभिमानको दृस्टीकोण हो । यति भनिसकेपछि मेरो वहाहरु सग प्रस्न छ – तपाईहरुले बिगतमा विदेशमा गएर बिदेशीको साथ( समर्थन लिएर नेपालको राजनीतिमा बिदेशी चलखेल किन स्वागत गर्नु भयो ? किन बिदेशीहरु को प्यादा बन्नु भयो ? यो कुरो बिदेशी राजनेताहरुले आफ्ना किताबमा समेत प्रस्ट गरेका छन। यो भुल भयो भनेर नेपाली जनतासग के माफी माग्नु पर्दैन?
दुर्भाग्य के छ भने तपाईहरुले बिदेशी सग मिलेर बिगतमा हुलेको लम्पसारवादको बाटोमा यो वर्तमान सरकार पनि राष्ट्रको स्वार्थ भन्दा द्रब्य र सत्ता सर्बोपरि भनेर गैरहेछ।”