Sansar News
३१ जेठ, काठमाडौं । पछिल्लो २४ घण्टामा कोरोनाका २९१८ जना नयाँ संक्रमित थपिएका छन् । पछिल्लो २४ घण्टामा गरिएको ९,४३८ पिसीआर र ५३८१ ऐन्टिजेन गरी १४ हजार ८१९ नमुना परीक्षणमा २९१८ जना संक्रमित थपिएका हुन् ।
आज भक्तपुरमा ६६, ललितपुरमा १४५ र काठमाडौंमा ३९६ गरी उपत्यकामा आज ६०७ जनामा संक्रमण पुष्टि भएको छ ।
आज थपिएका २९१८ जनासँगै नेपालमा हालसम्म संक्रमित हुनेको संख्या पिसीआर प्रविधिबाट गरिएको परीक्षणमा संक्रमित हुनेको संख्या ६ लाख १० हजार ४७२ पुगेको छ भने ऐन्टिजेन विधिबाट गरिएको परीक्षणमा २१,३३९ जना संक्रमति भएका छन् । दुवै विधिबाट परीक्षण गर्दा कूल संक्रमितको संख्या ६ लाख ३१ हजार ८६० पुगेको छ ।
पछिल्लो २४ घण्टामा देशैभरी ५१४७ जना कोरोना संक्रमणबाट मुक्त भएका छन् । आज निको भएका ५१४७ जनासँगैै नेपालमा कोरोना संक्रमणबाट मुक्त हुनेको संख्या ५ लाख ३६ हजार २५२ पुगेको छ । मन्त्रालयका अनुसार निको हुनेको यो संख्या ८७.८ प्रतिशत रहेको छ ।
त्यस्तै पछिल्लो २४ घण्टामा ५३ जना कोरोना संक्रमितको मृत्यु भएको छ । आज मृत्यु भएका ५३ जनासँगै नेपालमा हालसम्म ज्यान गुमाउनेको संख्या ८,४६५ पुगेको छ ।
नेपालमा हाल ६५ हजार ८०४ जना संक्रिय संक्रमित रहेका छन् । ती मध्ये होम आइसोलेशनमा ६१ हजार १२२ जना र संस्थागत आइसोलेशनमा ४६८२ जना रहेका छन् ।
त्यस्तै देशैभरीका विभिन्न अस्पतालका आइसीयुमा ९९५ र भेन्टिलेटरमा ३२४ जनाको उपचार भइरहेको छ ।
पछिल्लो २४ घण्टामा २४०७ जनामा कोरोना संक्रमण ४६ जनाको मृत्यु
वि.सं.२०७८ जेठ ३१ सोमवार १७:०६ मा प्रकाशित
