Sansar News
४ असार, पोखरा । कोरोना संक्रमणबाट गण्डकी प्रदेशमा थप ११ जनाको मृत्यु भएको छ ।
प्रदेशको स्वास्थ्य निर्देशनालयका अनुसार आज म्याग्दीमा ३, कास्कीमा ४ र गोरखा, बाग्लुङ, तनहुँ, नवलपरासीपूर्वमा १÷१ जना गरी ११ जनाको मृत्यु भएको हो ।
आज थपिएका ११ जनासँगै प्रदेशमा हालसम्म संक्रमणबाट ज्यान गुमाउनेको संख्या ८७६ पुगेको छ ।
त्यसैगरी प्रदेशमा आज म्याग्दीमा १, पर्वतमा २६, लमजुङमा १, तनहुँमा २८, कास्कीमा ८१, बाग्लुङमा १८, स्याङजामा २ र नवलपरासीपूर्वमा २७ जना गरेर जम्मा १८४ जना नयाँ संक्रमित थपिएका छन् । कूल संक्रमित मध्ये ८६ जना महिला र ९८ जना पुरुष रहेका छन् ।
आज थपिएका १८४ जनासँगै प्रदेशमा हालसम्म ५१ हजार ९५२ जना संक्रमित भएका छन् । ती मध्ये ४६ हजार ४२५ जना निको भइसकेका छन् भने ४६५१ जना सक्रिय संक्रमित रहेका छन् ।
गण्डकी प्रदेशमा आज कोरोनाबाट ४ जनाको मृत्यु, ३३३ जनामा संक्रमण
वि.सं.२०७८ असार ४ शुक्रवार १७:२७ मा प्रकाशित
