हामी सबैकाे संसारन्यूज

४ असार, काठमाडौँ । गैरआवासीय नेपाली संघ (एनआरएनए) ले हरेक वर्ष बाढी र पहिरोबाट हुने जनधनको क्षति कम गर्न दिर्घकालिन रणनीति बनाउन सरकारलाई सुझाव दिएको छ ।

एनआरएनएका अध्यक्ष कुमार पन्तले शुक्रवार विज्ञप्ति जारी गर्दै हरेक वर्ष नेपालमा बाढी र पहिरोबाट हुने जनधनको क्षति कम गर्न दिर्घकालिन रणनीति बनाउन नेपाल सरकारलाई सुझाव दिएका हुन् ।

‘हरेक वर्ष नेपालमा बाढी र पहिरोबाट हुने जनधनको क्षतिकम गर्न नेपाल सरकारलाई दिर्घकालिन रणनीति बनाउन पनि सुझाव दिदै पिडितहरुलाई उचित राहत तथा उद्धारको व्यवस्था गर्न समेत अनुरोध गर्दछौं ।’जारी विज्ञप्तिमा भनिएको छ ।

उनले अबिरल वर्षाको कारण सिन्धुपाल्चोकको मेलम्ची लगायत नेपालभरी नै बाढी तथा पहिरो पिडितहरूलाई सहयोग गर्न विदेशमा बसेका नेपालीहरुलाई अपिल गरेका छन् ।

मातृभूमीमा रहेका दाजुभाई, दिदिबहिनी तथा आमाबुबाको दुखले आफूहरुलाई पिरोलेको बताउँदै उनले यस दुखद घडीमा सबैले आफ्नो तर्फबाट सक्दो सहयोग गर्नको लागि हार्दिक अपिल गरेका हुन् ।

अध्यक्ष पन्तले बाढी तथा पहिरोमा परि ज्यान गुमाउनु भएका सम्पपूर्ण व्यक्तित्वहरुप्रति हार्दिक श्रद्धान्जली व्यक्त गर्दै शोक सन्तप्त परिवारजन प्रति समवेदना समेत प्रकट गरेका छन् ।

यस्तो छ विज्ञप्तिको पूर्ण पाठ :

‘अबिरल वर्षाको कारण सिन्धुपाल्चोकको मेलम्ची लगायत नेपाल भरी नै बाढी तथा पहिरो पिडितहरुको दुखले हामी मर्माहित भएका छौं । बाढी तथा पहिरोमा परि ज्यान गुमाउनु भएका सम्पपूर्ण व्यक्तित्वहरुप्रति हार्दिक श्रद्धान्जली व्यक्त गर्दै शोक सन्तप्त परिवारजन प्रति समवेदना प्रकट गर्दछौं ।

हरेक वर्ष नेपालमा बाढी र पहिरोबाट हुने जनधनको क्षेती कम गर्न नेपाल सरकारलाई दिर्घकालिन रणनीति बनाउन पनि सुझाव दिदै पिडितहरुलाई उचित राहत तथा उद्धारको व्यवस्था गर्न समेत अनुरोध गर्दछौं ।

मातृभूमीमा रहेका दाजुभाई, दिदिबहिनी तथा आमाबुबाको दुखले हामीलाई पिरोलेको छ । यस दुखद घडीमा सबैले आफ्नो तर्फबाट सक्दो सहयोग गर्नको लागि हार्दिक अपिल गर्दछु’ भनिएको छ । ”